نرجسية عجبتيني بأنك ماربطتي حل نفسيتك بالزواج.. انتي مره ناضجة وواعية اهنيك يا قلبي❤️👏🏻
الزواج مو رحله ترفيهية والا شي وناسه.. الزواج التزام واستقرار ويحتاج تهيئة واستعداد نفسي.. والرجال مو مسؤولين عن سعادتنا.. السعادة شي داخلنا..
ياكثر المتأخرات والمنفصلات اللي كلهم سعاده وحيويه.. والمتزوجات اللي ماكل الهم وجيهم.. السعادة رزق.. راحة البال رزق.. الرضى رزق.. ماله دخل بالحاله الاجتماعية..


شوفي ان حصل لك سافري يومين غيري جو.. والا روحي نامي عند بنات عمك والا ببيت جدتك.. اكسري روتينك وخالطي ناس من زمان عنهم.. وجربي تاخذين وحده تحبينها للسوق تختار لك ملابس على ذوقها ماقد لبستيها.. اكسري روتينك حبي💓

نفس وجعي ومتزوجة ومتوظفة وماراح مني احساس الوحدة
لكن الناس الي جربتهم وماقد ارتحت بصحبتهم ماارجع اجربهم
يعني دوري رفقة جديدة و انتبهي لصفاتك الي يمكن تنفر الناس مثل تكثرين زيارات او تمضي الجلسة وانتي تتكلمي من دون ماتتركين مجال لاحد او العكس تبقين ساكتة ومملة
او ترافقين مصلحة او تنتقدين الناس او تمضينها شكوى
وهذي صفات لاحظتها فيني وفي ناس الاقيها مهو مرغوب بحضورها واحاول اتفاداها
الناس تحب الي لسانه حلو وخدوم وخفيف وجلسته وناسة
الله يجبر بخاطري وخاطرك في قرب منه و صديقات ننسى معه هذا الشعور الجارح للابد

قوّي علاقتك بالله أكثر و خلي يومك أغلبه في التقرب من الله صومي استغفري اقري الاذكار و أدّي النوافل و ادخلي تحفيظ لحفظ القرآن مو لصحبه ، الفترة اللي انتي فيها و هذا الفراغ فرصه و لا تشغلي نفسك بأحد و تفكري إن الوناسه عند احد و أكيد عندك هوايات أو أشياء تحبي تسويها اكتشفي نفسك و تعرفي عليها أكثر و سوي رياضه لصقل الجسم و اهتمي بنفسك اكثر و مظهرك و طوري من أسلوبك و راح تلاقين الناس هي اللي تدور عليك مو انتي تدورين عليهم 💕

ماشاء الله البنات كفو ووفو ..
بس لفت انتباهي في موضوعك معرفك ( انثى نرجسية ) اذا هذه فعلا شخصيتك فهي سبب نفور الناس من صحبتك ..


غيري في شخصيتك كوني متراضعة متفائلة خدومة مرحة متغافلة
ابدأي بخالاتك واهل امك ،، صفي نفوسهم من ناحيتك في خلافك القديم معهم ،، اعترفي لهم انك تحبيهم ولا غنى لك عنهم وتحبين الخير لهم وانك تتمني يفتحو صفحة جديدة معك
اعزميهم في بيتكم واكرميهم واظهري فرحك بزيارتهم وسوو اجواء جميله ترغبهم فيك وفي زيارتك ،، مثلا جلسة شواء في الحوش ،، او عمل دورية بينكم كل مرة في بيت
حتى مع الصديقات والجارات اعزميهم اول واشعريهم برغبتك التواصل معهم ومصيرهم يعزموك ويتجملون معك

الله يعينك