وحيدتي في حاله يرثى لها

عندي بنت ثانيه متوسط من طلعت من الابتدائيه وهي نفسيتها دماااار
ماتبي المدرسه لانها تفرقت هي وصاحباتها
المدرسه اللي فيها صديقاتها مافيها مواصلات
تعبت في السنه الماضيه كثير
والله ما ادري البلا منها ولا من المدرسه
السنه هذي قلتلها بنقلك خاصه يمكن ترتاح
بعد دوام شهر وهي ساكته بس شكلها مو مرتاحه
اليوم فتحت دفتر تكتب فيه شغلات خاصه فيها
والله يابنات انها تقطع القلب
تشكي من ان الدنيا خلاص ماصارت تعني لها شي
تساوت الامور في نظرها
صارت تكره كل شي حولها وصار الكل يكرها
تقول احس ان ماعندي مشكله غير نفسي انا نفسي مشكله في هالدنيا
تقول ياريت اجلس واعيش في مكان ما اشوف احد فيه
تعبت من الدنيا
الحياه بعد صديقات الابتدائي مالها معني
كل هذا وعمرها13 تقطع قلبي عليها وبكيت لين قلت اميييين
وخرجت من نفسي ورحت طلبت نقل لها للمدرسه اللى فيها صاحباتها حقين الابتدائي
وفرحت وبدت ترجع طبيعيه
بتقولولي كيف عرفت بسرعه
اقولكم
اليوم العصر قلتلها قومي نروح السوق ابغى اغراض قالت طيب وجات معي
بنتي كانت ماتحب الخروج من البيت لو اترجاها ماتخرج
المهم رجعنا
قلت لابوها تراني نقلتها لمدرستها اللى فيها صاحباتها
قلي مافي مواصلات قلتله انت توديها وانت رايح العمل (دوامهم نفس الوقت)
وانا اجيبها انا والشغاله
سبق وقلنا هالحل وقال ممكن نفكر فيه
رفض وهاوشني على التسرع وسوى مشاكل لها اول مالها اخر وقال هالسنه تجلس بدون دراسه
حتى تبطل دلع
صحيح انا غلطانه اني نقلتها بدون ما اقله لكن اللى قريته يذوب الصخر
مو قلب ام انتظرت وحيدتها 14 سنه
وبعد ما كبرت تشوفها وهي تذبل قدامها والله ماتحملت

ابغى اشوف ارائكم في الموضوع
انا على حق او غلطانه