ياصعب الفراق @yasaab_alfrak
عضوة فعالة
وحيد وما على باب الوحيد الاودآآآآع احبابه
هلا بنآآآآآآآآت من زمآآآآآن عنكم
جيت وجبت معاي قصيده من اختياري اتمنـــــــــى تعجبكم
وحيد وما على بـاب الوحيـد الا وداع أحبـاب
وأنا بابـي تركتـه للهبـوب يـودع أحبابـي
تعبت آعد خطوات الرحيل وكـم وجـه ٍ غـاب
ترقبت الكثير وما ظهـر واحـد علـى بابـي
أكابـر للمـلا ولا حشـاي يـدور الأسـبـاب
فقدت أحباب كانوا عزوتي ومنـاي وأصحابـي
يمر إسمي ما بين عقولهم صفحة بوسط كتـاب
وهم وجه الكتاب بدنيتي وأغـلا مـن كتابـي
صواديف الحياة تعلـم الخايـف متـى يرتـاب
وحنينـي للخلايـق ماهـو الا عـذر لغيابـي
إلا رفت شوارب من تصـدى للهبـوب يهـاب
والا هب الهبوب وزاد شـره يحسـب حسابـي
انا البحر الغزيـر بصـدري المفتـوح للغيـاب
وأنا راس الجبل بمعانـق الطـولات لأقرابـي
وأنا السيف الشطير بشعري الواضح عليه عتاب
يفج صدور ناس ٍ ما تحـس بقسـوة عتابـي
وأنا كل ما طرى في بال من خذه الزمان وغاب
مكاني هو مكانـي لا رحـل وترابـي ترابـي
تناسيت الوجيـه ودورت الأيـام قفـل البـاب
كأن الوقت حالـف مـا يـرد وجيـه غيابـي
تراودني حلوم إني كبرت وشعر وجهـي شـاب
تعبت من السنين وما نشف دمعي على أهدابي
خطاي اكبر كثير من الترجي من ثنيـن أحبـاب
خطاهم شاب من كثر الوجع لوكـان متصابـي
انا خلي حنون وضحكته ما بيـن نـاب ونـاب
تخايل للخلايق بأنه أكثر من عـرف مـا بـي
يداري عن وفا بين الليالي فـص ملـح وذاب
يخاف من البكا وأهون عليه يعيـش متغابـي
وش أرجي والزمن كل ما خذا ما يوم مره جاب
قسى قلبي وطالت غربتي وإحترقـت أعصابـي
وحيد إيه والله إن مثلي وحيد وما وراه أحبـاب
عسى الله يجزي سنين الوصال ويرحم أحبابـي
عبدالله البكر
دمتم بود،،،
8
1K
يلزم عليك تسجيل الدخول أولًا لكتابة تعليق.
ببسي
•
الصفحة الأخيرة