وخري يدينك :(

بنات عندي مشكلة بسيطة بس مضيقة صدري مدري اذا في احد يعاني زيي بعد !؟

انا اطرافي دايم باردة , صبح ليل شتاء صيف موووت حرّ في كل الأحوال المناخية يديني ورجولي باردات

وبصراحة مقد حسيت ان هالشئ مشكلة بس هالأيام تهاوشت مع زوجي مرتين على هالسالفة

اول الظاهر كان يستحي مايقول شئ

قبل فترة سويت فيها رومنسية >> ياشيني بس وياشين رومنسيتي

وحطيت يدي ع ظهره شسوي يقالني حنونة خخخ يوم فزّ مسكين منصرع وقعد يهاوش وخري يدك ذي مب يد هذي ثلج ومدري ايش

انا تحطمت وزعلت صراحة .. شئ يقهر من زينك بعد .. هذا جزاي يعني اعطيك جرعات حنان وه مالت بس

المهم زعلت ورضيت من نفسي طبعا ماجاب لي خبر ابو الشباب .. في باله اني مالي حق ازعل !

بعد يومين كذا .. نسيت وسويت نفس الحركة ( مشكلتي حنونة !!) بس مسكت كتفه ويقعد يخانق .. وخري يدينك عني خلاص .. وإلا روحي حطيهن بالفرن قبل !!

انا انفقعت مرارتي .. رحت وتركته .. زعلت بجد شئ يقهر صراحة ..

وهو يقول وش مزعلك ؟؟ انتي تدرين ان هالشئ مب زين عشان كذا تجين تسوينه !! .. ويروح يجيب قطعة ثلج من الفريزر وبغفلة مني حطها بظهري .. واقعد اناقز .. ارتعت !!

قال شفتي .. لا تزعلين اجل .. >> مسوي منطقي هو وخشته

المهم ,,, الحين انا متضايقة .... ودي بحل لبرودة الأطراف .. رجولي بكيفهن بس ع الأقل يديني

ذاك اليوم لبست قفازات ابي تدفى وعيت !

واللي نفس حالتي وش تسوون لاطبت عليكم الرومنسية خخ ؟؟