وداعآ للخادمات (جدولي)

بسم الله الرحمن الرحيم
اخواتي العزيزات بنات حواء 00كيفكم ان شاء الله بخير

اليوم بنزل لكم جدولي للخدمه وان شاء الله تستفيدو منه زي ما استفد منه

بس قبل كل شي طلبآ لا امرآ اباكم تدعون لي (بالعفو والعافيه وتسخير الزوج واشغال كل من هو عدو لي في نفسه ويديني الله اللي فبالي)

انا كنت حوسه حسيت بيتي مينتظم وخدمتي متخلص ومنى مهتمه فنفسي وحسيت اني مهمله بجد

وكل مدخل هذا القسم احس بحماس واقوم على البيت

لاكن قلت مالي الاجدول اتنظم عليه وارتاح


اول شي نظمت بيتي
غرفة النوم اشتريت سلات بلاستيك ورتبت كل شي لوحده فالارفف بناطيل بلايز بجايم اقمصه ملابس البيت

وملابس الخروج معلقه كلها

المطبخ اشتريت مقسمات علب ورتبت كل شي لوحده ( ان شاء الله انزل موضوع عن التنظيم)

وبعد منظمت الدنيا حطيت لي جدول مريح انا بيتي 3 غرف وصاله وعندي ولد واحد

وجدولي هو 00


او شي قبل النوم اسبح الله 33 واحمد الله33 واكبر 34

وابداء بهذا الجدول

السبت .. غسيل ملابس ابيض00ملابس ولدي00تنظيف النحاس*00تنظيف غرفة النوم 00غسل حمامنا

الاحد.. غسل غيار *00تنظيف النحاس 00كنس 00مسح سيراميك 00كوي

الاثنين .. غسيل الملون00تنظيف النحاس00حمامنا 00 غرفة الحريم00 وترتيب بسيط لغرفة النوم

الثلاثا.. غسل مناشف المطبخ00نحاس 00تنظيف المجلس00 حمام المجلس00كوي

الاربعاء .. تنظيف المطبخ 00 غرفة النوم 00حمامنا 00 الصاله 00 كنس وسيراميك

الخميس 00 اجازه 00

الجمعه ..نحاس وتنظيف شهري* وبخور



بنات علامة النجمه تدل على

تنظيف النحاس* يشمل البوتجاز ومسح فوق الدولاب

غسيل غيار* اسبوع يكون للمناشف والارواب واسبوع للبيوت المخدات واللحف

التنظيف الشهري* ينقسم لاربع اسابيع

اسبوع للغبار فالمراوح والاثاث

اسبوع للمطبخ شامل الدولاب والثلاجه

اسبوع للصاله والمجلس تنظيف عميق

اسبوع لغرفة النوم من الى



بنات كنت مخلص الخدمه الا مهلوكه ووفوق كذا يجي يوم الاربعاء وانا مخلصت شي

وبعده صرت مرتاحه يمكن تقولون الجدول صعب بالعكس تجيني ايام اتحمس واشتغل الشغل حق بكره

وايام يكون البيت مو محتاج اخدم موسخنا واذا دخل على احد فجئه يكون بيتي مو مكركب ونظيف

اتمنى تستفيدوا من جدولي واللي عندها تعديل تعدل حسب احتياج بيتك


وايارب انك تقويني على خدمة ديني وبيتي امييييييييييييييييين:26: