مشكورة أم الغالي على ردج لأنه الوقت مامداني أقرا كل الصفحات.. أشكرج والله يعطيج العافية..

اختي ام سلامي
قريت في موضوع اخر ان الميرميه تقلل الحليب والله ياليت تصبرين شوي او تقرين مواضيع اكثر

مرحبا يا ام سلطون حبيت اسال هل تنفعل الرجال اخوى جسمه حلو بس يعانى من الكرشه ام سمع من امى انىاستعمل حا جه تروح الكرش عاد هو ما صدق انا اقول له الصبر لما تشوف النتا يج يا ليت تقولى عادى اعطيها اخوى ولا لا تراه غا لى على ما بى شى يضره هو عنده سيوله فى ادم عشان كذا انا اخاف عليه من اى شى او سلا متك ارجو ارد بسر عه

السلام عليكم،، شلونكم خواتي؟؟

أقول مادام إنه موضوع أم سلطان انملى ووصل إلى 221 رد ماشالله ليش مانكمل هني؟؟ بس هني مو نفس الموضوع هني شوي غير، نبي كل وحدة جربتها تدخل وتعطيني نتايجها عشان الكل يستفيد لوسمحتوا،، إذاً هنا:



((التجــــــــــــــــــــــــــــارب))
والله يجزى أم سلطان عنا خير الجزاء ويدخلها الفردوس الأعلى
قولوا آمين؟؟؟؟



:15: :15: :15:

وأول شي أنا ببدي،،،،،

بصراحة أنا صارلي اسبوعين أستخدمها،، وااااايد مرتاحة معاها الحمدلله :) بس تبون الصراحة؟؟؟؟؟؟؟؟


كرشي ماتغير إلا سانتي ونص بس :) :( بس أنا مستمرة!!! ان شالله!!! لأنها نفعتني بأشياء كثيرة غير الكرش،، فأنا من أول ما استخدمتها وأنا احس انها تسد شهيييييتي فلما أشوف الاكل ما اتشوّق وااااجد وساعات اقعد فترة طويلة ما آكل أنسى! لأني احس بالشبع!!! فهذا احسن شي لأنه بالطريقة هذي راح يقل أكلي وبالتالي راح أضعف، ومو بس جزء واحد من جسمي ( الكرش) اللي راح يضعف، وإنما كللللل الجسم وذلك بسبب تقليل كمية الأكل،

فأنا استغليت هالفرصة مادام اني صرت ما أميل للأكل الواجد وصرت اكثّر من الفاكهة والسلطات والأكل المشوي بدون دهون،، والحمدلله أحس إنه جسمي بدا يخف واجد عن قبل، وأهلي لاحظوا، ومقاسي من تحت قل برقم! بس من فوق نفسه ما تغير :( بس ترى أنا ضعفت (شوي) من فوق، يعني مو كثر تحت :)

والفضل كله لله ثم لأم سلطان الله يرزقها الصحة والعافية :) وان شالله ألتقي معاها في أعلى الجنان قولي آمين يا أم سلطان؟؟

ترى أنا لأني استانست من هالوصفة ونتايجها عليّ حبيت أونسكم معاي، فياليت انتوا بعد تونسوني وتونسون جميع العضوات بالنتايج اللي حصلتوا عليها مع ذكر المدة الزمنية...


وسلامتكم وتعيشون :) :)