مشكلة مزعجة تعاني منها كل الامهات وتحاول بشتى الطرق حلها بابتكار الطرق المختلفة وهي مشكلة رائحة الرضاعات الكريهة من بقايا الحليب بالاضافة الى رائحة الفيري عند التنظيف .. بعض الاخوات اجتهدوا في اكتشاف طريقة الملح الخشن في الشطفة الاخيرة للرضاعات والحمد لله جابت نتيجة لكن السالفة اعتقد تاخذ وقت .. وبالنسبة لي مع بناتي الله يحفظهم ورضاعتهم صرت اسوي هالطريقة لين من كم يوم رحت الصيدلية بروحي بدون ابو الشباب لانكم عارفين طريقتهم خذي الاغراض بدون لف ودوران في ارجاء الصيدلية ..
المهم اخذت راحتي وانا الف شفت عند الرضاعات قارورة مكتوب عليها سائل التنظيف من ماركة بيجون وقريت اللي مكتوب عليه انه مصنوع من مواد صالحة للاكل ومواد طبيعية 100%
سعرها تقريبا 32 ريال .. المهم اخذتها وجربتها في البيت ماشاء الله يابنات اول شي رغوتها خفيفة مره يعني مافيها مواد قلوية بكميات كبيرة وثاني شي الريحة اختفت تماما يعني تشمين الرضاعة بدون ريحه ابددددددددددددددددددد
وارتحت من هم ريحة الرضاعات
حاولت انزل الصورة عكرت معاي
الله يحفظ لكم عيالكم يارب
ودعواتكم لبناتي:04::04: يجلسون ويمشون بسرعة
اقول لاتنسون ايقونة شكرا ههههههههه