يا بنات، الموضوع النهارده موجه ليكي أنتِ — سيدة من سيدات مجتمع “حواء” اللي دايماً بتدير كل حاجة: شغل، بيت، أطفال… وبعدين فجأة تحسي بـ ألم في أعلى الفخذ الأيمن من الداخل، بيقطع راحتك، وبيخليكِ تقلقي: “إيه السبب؟ وإزاي أتعامل معاه؟”. تعالي نناقش الموضوع مع بعض، بطريقة سهلة .
أولاً: ما الذي قد يكون وراء الألم؟
الألم ده ممكن يكون ناتج عن كذا سبب، ومش شرط يكون حاجة خطيرة بس لازم تتعاملّي معاها بوعي:
- شد عضلي: العضلات الداخلية للفخذ (تُسمّى «adductors») ممكن تتشد نتيجة حركة مفاجئة أو رياضة بدون تسخين.
- ضغط على عصب أو مشكلة فى مكان تلاقي العصب بالفخذ: مثلاً حالة اسمها Meralgia Paresthetica اللي بتسبب ألم أو تنميل في الجزء الأمامي أو الداخلي للفخذ.
- مشاكل فى المفصل أو الورك: مثل خشونة أو احتكاك العظام ممكن ينعكس ألم للمنطقة دي.
- حالات خاصة للسيدات: الحمل، أو أنسجة الحوض المتغيرة، أو الفحص الطبي يبيّن إن ألم الحوض بينعكس على الفخذ.
- في حالات نادرة: ممكن يكون بسبب مشكلة فى الدورة الدموية أو جلطات. لذلك لو الألم شديد أو مفاجئ و ساعتها لازم تشوفى دكتور.
- خلي الراحة أولوية: قللي من الحركات اللي بترهق الفخذ، ولو كنتِ واقفة أو ماشية كتير... خدي فترات راحة.
- جربي كمادات: بارده أو ساخنة؟ أول فترة ممكن نبدأ بـ Ice (لتقليل الالتهاب) ثم مع الراحة ممكن نستخدم Heat لتليّن العضلة.
- نمتنع عن الرياضة أو الحركات المفاجئة لفترة : لحد ما يتحسن الموقف، نخلي الرياضة خفيفة.
- لو الألم مستمر أو زاد، أو حسّيتي بوخز/تنميل أو شكل وِذمة أو احمرار — ساعتها لازم زيارة طبيب.
- بعد تحسن الوضع، فكّري في التمارين اللي بتقوّي عضلات الفخذ الداخلية وتديلها دعم.
- خليكي نشيطة بتمارين خفيفة لتقوية الفخذ و اهم حاجة التسخين والإطالة قبل وبعد.
- حافظي على وزن صحي لأن الزيادة بتضغط على المفاصل والعضلات.
- خدي بالك من لبسك: لبس البنطلون ضيق جدًا عند الفخذ أو الحوض ممكن يسبب ضغط على الأعصاب أو تشنجات و ممكن كمان يسبب دوالي الساقين .
- لو بتسوقي عربية أو بتقعدي لفترات طويلة، حاولي تغيّري وضعك كل فترة ومتفضليش فى وضع ثابت لفترة طويلة.