وداعا للامساك

السلام عليكم ورحمة الله وبركاته

الكثير يعاني من الامساك
والبعض نكد عليه العيشه


قريبتي تعاني معاناه شديده من الامساك المزمن ولازم ملينات
فجاة وقفت الملينات لان ماتبغى الامعاء تتعود عليها
لكن للاسف الوقت كان متاخر وخلاص تعودت عليه الامعاء
جلست 3 ايام بلا اخراج وانتم بكرامه وتعبت نفسيتها
حتى الاكل سبحان الله صار يرجع مر وحموضه
ورجعت للميلنات

استشرت طبيبه بالانترنت ياعسى ربي يوفقها ويسعدها ويشفيها من اللي فيها


نصحتني بـ
شراب ريالاك
الاسبوع الاول 3 مرات باليوم بعد الوجبات 15 مل للحالات الشديده و10 للحالات العاديه
الاسبوع الثاني 3 مرات باليوم بعد الوجبات 10 مل للحالات الشديده و8 للحالات العاديه
الاسبوع الثالت للكل 5 مل

وكذلك نصحت بـ حبيبات نورماكول normacol
زي الحبيبات الصغنونه باكياس صغيره تجي بكرتون صغير
عباره عن الياف ليسهل عمليه الاخراج
تشرب مع الماء كذلك بعد الوجبه


مباشره شرينا الشراب
بالاول مابين مره النتيجه ماشاء الله لاقوة الا بالله نتيجه واضحه
الامساك رآآح
وايامه رآآحت
صحيح ملين لكن ملين من النوع للي ماتتعود عليه الامعاء
ومدته 3 أسابيع
وبعدها تلقائي سبحان الله الامعاء تفرغ بالاوقات اللي اعتاد عليها

والان قريبتي الحمدلله ارتاحت


تجربه مرت فيها غاليه علي
وكثير اقرا بالمنتدى يشتكون من الامساك ولاسيما ان المشكله مو تكون بالامساك فقط لانه يسبب بواسير وشروخ
عافانا الله واياكم


اللي تستفيد من الموضوع ماابغى منها غير دعوة صادقه ببظهر الغيب