وداعا للقشرة نهائيا (مجرب مضمون 100%)

بسم الله الرحمن الرحيم والصلاة والسلام علي محمد وصحبه اجمعين
السلام عليكم ورحمة الله وبركاته

اسم الدواء : سكين كاب SKIN - CAP شامبو
مستحضر طبي لمعالجة قشرة الرأس واحمرار وحكة الجلد والصدفيه والاكزيما

طريقه الاستعمال : رج العبوة قبل الاستخدام يغسل الشعر بالشامبو العادي (اللي تستخدمينه ) ثم يستخدم شامبو سكين كاب مع مراعاة تركه علي الشعر مده خمس دقائق ثم يشطف بالماء .. في اول اسبوع يستخدم 3 مرات اما باقي الاسابيع تستخدم 2 مرتين

تحصلونه بالصيدليات واشتريه من صيدليه مستشفي السلام وسعره بالدينار الكويتي 4.250

ايضا من اسباب سقوط الشعر هي القشرة
لما رحت لدكتور الجلديه اول شي عطاني هالشامبو لمنع القشرة ..حيث القشرة تسبب في تساقط الشعر والتهاب طفيف جدا بدوم ما تحسين فيه بفروة الرأس

سبب استخدام الشامبو الخاص اولا ثم شامبو سكين كاب ..حسب كلام الدكتور علشان ما اخلي شعري يعتمد الاعتماد الكلي علي شامبو سكين

صارلي الحين فتره 3 اشهر من استخدامي ما شاء الله والحمد الله مافيني ولا ذرة قشرة حتي مرات افل شعري صوب الشمس وعلي عبايتي ابي اشوف قشره مافي كلش


هالشامبو عن تجربه شخصيه والحمد الله بالنسبه لي وايد اوكي

واي سوال حاضرة
ودمتم سالمين