وداعــــا للالم النفسي والجسدي وقت النفاس...... تعالي معاي

السلام عليكم ورحمة الله وبركاته

حياكم الله اخواتي من جديد ماادري اذا للحين تذكروني والا لا
المهم انا ياقلبوصات توني ولله الحمد والمنه طلعت من النفاس
وعانيت من بعض الالم بسبب البواسير اللهم لك الحمد

وعشان كذا قلت باذن الله اول مااطلع راح اكتب موضوع في المنتدى
عشان يكون صدقه جاريه
لي واتمنى منكم الدعاء لي بان الله يرزقني من خير الدنيا والاخره
ويصلح لي شاني كله

باذن الله باذن الله باذن الله
ان كتابتي هذي راح تفيدكم كثـــــــــير
لانو اصلا التعب في النفاس اما بسبب الجرح والخياط ا و بسبب البواسير والام الامساك
الخياط التشطف بمويه وملح ويكون الجرح ناشف دايـــــــــم يعني بتستخدمين كريم ميبو او غيره فقط مره وحده في اليوم
وفوقه تحطين شاش ابيض طبي فقط

بالنسبه للامساك والبواسير
اشربي دوا اسمه دوفلاك على حسب الحاله عندك يعني ممكن ملي الغطا مره او مرتين اوثلاث مرات يوميا
وانتي بالنفاس وراح يلين معاك بطنك على طول

نجي للبواسير اللي غالبا ماتطلع بسبب الدفع وقت الولاده

خذي الوصفه هذي
بياله زيت زيتون وكسرة مره وكسرة حلتيت تغلينهم على النار وفي الاخير تحطين شوي الخوا جوا
تسكري النار واذا برد تحطي عليه فازلين يعني ملعقه او ملعقتين وتحطينها علي منطقة البواسير
شي عجيب سبحان الله راح تخف بشكل كبيـــــــــــــــر

شي خــــــرافي يابنات باذن الله راح يخف الالم والعذاب النفسي بسبب البواسير والامساك

دعواتكم يابنات لي وايضا للي ساعدني بهالوصفات وقت نفاسي

اتمنى لكم نفاس سعيد

للمعلوميه
الحـــــــــــــــركه ضروريه في النفاس يعني لاتقولين انا نفاس ماامشي لا لازم تطلعين برا في الحوش وتمشين عشان الامعاء تتحرك
بعد سبوع من الطبيعي وسبوعين من العمليه

الغريب ان امي الله يخليها ويحفظها كانت تعصر لي عصير برتقال تقريبا جيك واشربه في الفجر و الله ماسوا ولا شي نهـــــــــــائي معاي يعني الناس يختلفون


دمتم في حفظ الله ورعايته