ودعت نبض روحي عبدالوهاب و عبد المجيد

ياترى الكلام حيفيد او فضفتي حتخليني اصير احسن قولولي !!!!! لو هذا الشي صح كل يوم حكتب .....


انا من الناس الي عانو من الانتظار (4 سنين) عانو من العلاج (2 محاولة اطفال انابيب فاشله ) عانو من العلاقه ( مع حماتي ) عانو من الناس ( كل الي تزوجوا معي وبعدي في على ايدهم واحد واثنين ربي يخليلهم )

كل شيء عند رب العالمين حكمة لانعلم ماهي ....ونعم بالله

قصتي طويله وبصراحه لسى ماجاتني القوة اني احكيها قلبي يعورني كل ماتذكرت( انا كنت حموت ورجعت لهذي الدنيا ليش مااعرف بدونهم بعد ماكانو كل شي) .

حملت بمحاولة اطفال انابيب ثالثه ولأنو بالمحاولة الاولى والثانيه رجعولي 2 ومانجحت قرر الدكتور يرجعلي ثلاثه وصار اني بعد الاسبوعين الطوال المنتظرين وكان رمضان يالله ايش كان رمضان كريم علينا وحللت والفرحه ماساعتنا وبالفعل تحقق حلمي وماكنت مصدقه انا وزوجي وتصدقتنا من فرحتنا وماخبرنا الا اهلي واهلو بس المقربين يعني امي وابوي واخواتي وهو نفس الشي وكذا ل 3 شهور واحنا مخبين كان في مشاكل !!!

اول اشعه كنت بطير من الفرحه وكان احساسي انهم تؤام وبالفعل كانو توام وكنت خايفه وقلت للدكتورة متاكده انو مافي ثالث قالت لأ اكيد وعطوني موعد بعد فترة

ولما سويت الاشعه المرة الثانيه انصدمنا انو انا حامل ب ( 4 اجنه ) صرت ابكي وخفت اثاري الثلاثه علقو وواحد فيهم انقسم ربي رزقني وعوضني عن حرماني عن كل سنه واحد بس الاطباء حسبي الله ونعم الوكيل فيهم
قالو خطر علي وعليهم وانهم بيجوني مشوهين ومريضين واني ماحكمل حملي لأني بكريه واكيد بسقطهم ومن هل كلام وقررنا انو ننزل 2 الي هما انقسمو وطبعا هذي العمليه كانت خطر علي وعليهم واستخرت وقررت والخوف عندي كان انو كنت داخله الشهر الثالث سويت العمليه وانا صاحيه التخدير كان موضعي بيدخلو ابرة كبيرة بالبطن لين قلب الجنين وبيحقنو ماده حتى يوقف النبض ياررررب سامحني وطبعا ماابغى احد يلومني احنا سالنا من الناحيه الدينيه وقالولنا انو هذا درأ للمخاطر وكنت بمرحلة خطر مدتها 10 ايام والحمدلله ربي ستر ولطف وعديتهم على خير

بس طول فترة حملي وانا الوحم والاستفراغ كان شديد عندي لدرجه انو وزني كان بينزل ومازاد طول ال 4 شهور الاولى ووصفولي حبوب حقت الاستفراغ وشوي ريحتني
كنت دايما تعبانه وعندي ثقل ومااقدر امارس حياتي طبيعي وكانو دايما بيقولولي لاتتحركي لا تمشي لاتشتغلي ومن هل كلام

انا تعبت حكمل بعدين ادعولي ادعولي عشان مااتعبكم انا اجهضت بالاسبوع ال 20 من حملي وحكمل بعدين :44: