ودعي مزيلات العرق نهايئا,,,,, والله مجربه من ايام جداتي

هلا خواتي

هذا اول موضوع لي بهذي الزاويه بس والله عندي من التجارب الكثير

بالف كتاب

وكل فتره بكتب لكم خلطاتي اللي من ايام جداتنا علموها لامي وامي علمتها لنا من يوم كنا بنات

:09: مللتكم صح

شوفو خواتي من اهم هالخلطات اللي راح اعلمها لبناتي ان شاء الله طريقة مزيل العرق

وهي

اجيب شبه حجر بمقدار خمطة اليد واغليها بماي بمقدار نصف لتر الين تذوب الشبه مع الماي بعدها اصفيها في غتره بيضا (( الغتره = شماغ ابيض)) او شاش واحطها بالرشاش وكل يوم الصبح اخذ قطعة قطن صغيره اغمسها بالماي هذا وامسح فيها كل ابط
لو كنتي من النوع اللي تعرقين وايد راح تبقين ناشفه من العرق وبدون ريحه لين الليل والله

وممكن تستخدمينها للتخلص من ريحة المنطقه الحساسه:cool:
يعني كلنا بنات ونعرف ان المنطقه الحساسه لها ريحه مميزه خصوصا منطقة خروج الفضلات ..:eek:
والله تمسحينها مره وشوفي الجفاف وشوفي النظافه وادعي لي


:30: البنات اللي بيقولون الشبه مو زينه انا تحداكم لاني والله عمري 23 :eek: وانا استخدمه غير امي طبعا عمرها بالخمسين وخواتي اللي بالثلاثين واللي بالعشرين وكلنا ولله الحمد ماصادنا شي

ايه غير ان المنطقه تكون بيضا لان مزيلات العرق تسبب اسمرار المنطقه

اتمنى اني اكون افدتكم خواتي

وادعو لي بالتوفيق خواتي :42: