ودك الارض تنشق وتبلعك هههههههه

سلخيييير :)

ودي الارض تنشق وتبلعني <<< متى تعرضتي لموقف خلاك تقولينها


الموقف الاول :

كان اول يوم العيد وانا رايحه متكشخه عند اهل زوجي خبركم عيد وبايه حال جئت ياعيدوو خخخ << اقضي
المهم كنت ادور عمي ابو زوجي ابعيد عليه واخذ العيديه مع البزران :icon19: هع
المهم قالت اخت زوجي الحقي ابوي بالسيب اذا تبغينه
طلعت داعسه الطبلون وماده كفي << مستعجله بتصافح
لا وناويه ابوس راسه الا على ماصار بيني وبينه شبر بالظبط
اكتشفت انه حماي مو عمي <<<<< :unsure:



الموقف الثاني :

عند اهل زوجي << مواقفها كلها معهم
كانت ام زوجي تهاوش الشغاله وانا ماره بالسيب الي جنب المطبخ بروح الدرج وقاطه:icon20: معهم وانا امشي
المهم امشي وعيني عليهم ومااناظر قدامي الين التفت
وحسيت ريحه عطر رجالي وحراره :blink:
لفيت ع الصدمه ضربت حماي وانا امشي وهو فاطس ضحك على هبالي وانا انحشتتتت << ماظل احد ماشاف خشتها

الموقف الثالث :

جوالي زوجي انفصل بسبب الفاتوره واخذ جوال اخوه طول اليوم معه وانا قالي اذا بغيتيني دقي جوال اخوي معي
المهم هو رجع الجوال لاخوه وماعلمني
ارسلت له رساله حبيبي جيب فوط
رجعت دقيت ورد قلت حبيبي قال هلا << اصواتهم متشابهه
قلت جيب لي فوط وزبادي ترى ماعندنا زبادي
قال هلا غلا انا اخوه اذا تبين ابو ميشو دقي على جواله تراه شغال
احيييييييييييييه دوريني ماتلقيني:buck:
سكرت بوجهه واتصلت على زوجي بغيت اطلع اطقه مع السماعه
ههههههههههههههههههههههههههههه
هههههههههههههههههههههه
<< حالتها مستعصيه :icon30:






يلا عاد كل وحده تدلو بدلوها وتتحفنا وتضحكنا تراني سهرانه بلحالي وودي اضحك
والي ودها تنغص جلستنا تنسحب احسن ماتكدر خاطرها بالرد