ودك تتصدقين بفلوس,ارزاق,ملابس؟؟تعالي ساعديني واساعدك لعلها عتق لنا من جهنم

السلام عليكم

خواتي انا اخوي وزوجي يشتغلون بجهات عمل مختلفه بس كلها يتصل عليهم ضعوف ومحتاجين ومافي من يصرف عليهم

وهم يسولفون علي باللي يكلمونهم وقلبي ياكلني عليهم

والقهر ان مو كلهم اقدر اساعدهم
يعني امس اخوي يقولي كلمتنا حرمة تبكي بسبب التبرعات لغزة تقول احنا بحاجتها واحق منها
تقول انا زوجي مسجون وعلينا فاتورة كهرباء مااتسددت وقطعوها علينا والحين احنا بغرفة بالسطح وقاعدين عالشموع بهالبرد وعندها 3 معاقين ولا احد يصرف عليهم ابدا

اخوي اتفق مع اصحابه انهم يجمعون لها مبلغ الفاتورة ويروحون يتاكدون من وضعها اذا على وصفها يسددون الفاتورة واللي يبقى من الفلوس يجيبون لها ارزاق

وغيرها واجد
مثل الحرمة اللي ذكرتها لكم بعد من عمل زوجي

ومراسل بعمل اخوي يقول اخوي حالة يكسر الخاطر يقعد يتسلف ال10 ريال عشان يجيب دجاجة لعياله

والله ان قلبي ياكلني ولا اقدر انام من الهم
لاني مااقدر اعاونهم كلهم
اذا قدرت على وحدة او ثنتين ماقدرت عالباقي

لاني اول شي مو موظفة
حدي مصروفي
وجزء منه لوجه الله متعهدته لنفسي والله لايقطعها عادة
وجزء بسيط للزمن اشيله
وجزء يالله يكفيني لاخر الشهر

المهم
فكرت بفكرة اشوف هالاسر المحتاجه واللي يكون زوجي واخوي متاكدين من حالتهم لانهم يرسلون اوراق ثبوتيه ولا احد يساعدهم
وانا قلت لزوجي واخوي اي ناس محتاجه ومتاكدين من حاجتهم اعطوني ارقامهم واوراقهم
وباحط لكم هنا كل ماجاني شي

لان فيه كثير ناس يبون يتصدقون لو بملابس بس مايعرفون وين ولمين
وانا وحدة منهم اتخيلوا العام ادوور احد ابي اتصدق عليه
والحين لقيت ناس وش كثرهم ومااقدر اعاونهم كلهم

قولوا وش رايكم؟؟
على فكرة انا بالرياض يعني كل ماجبت رقم او احد محتاج بيصير بالرياض
وربي مايضيع اجر مجتهد
لعلها فرج لنا بالدنيا والاخره وعتق لنا من جهنم ودفعة بلا عننا وعيالنا واهالينا وازواجنا يارب

انتظر رايكم...