ودك تشربين حلبه بس خايفه من الريحة تفضلي

السلام عليكم كيفكم بنات ان شاء الله بخير

احب اهنيكم بالاجازة ^_^ وتنبسطون فيها ان شاء الله ويرجع اهلكم وحبايبكم واصدقائكم سالمين غانمين يارب

نرجع لموضوعنا

نسمع عن الحلبه قبل كل شي في حديث المصطفى صلى الله عليه وسلم "استشفوا بالحلبه"

ونقرا فوايدها
تزين البشرة تنعمها تطول الشعر تزيد الوزن تطرد الدود تصفي الكبد تفتح الشهيه وووووو

بس لا جينا نشرب نتذكر الكابوس الخطير "الريحة " الفاضحة صراحة لكل مستهلكه للحلبه

المهم
وانا ابحث كالعاده قريت ان في عيدان عند العطار اسمها عرق الحلبه توخر الريحة كان اشتريها
وشريت نعناع جديد طازج وخليته بالثلاجة ولا جففته

ما يطول 6 او 5 ايام ويخرب واشري جديد

ماطول عليكم طريقتي كالتالي

افوح الماء واجهز كوب فية ملعقه طعام حلبه + ربع الكوب اوراق نعناع كثري نعناع عشان تروح الريحة + عود عرق الحلبه واصب عليها الموية واخليها 10- 15 دقيقة واصفيها واشربها

اشرب مره وحده قبل النوم مع حليب لي الان شهر اشرب يوم ويوم ما اشرب يعني الايام الفعليه 15 يوم

وانا كل يوم والثاني اسئل امي فيني ريحة يمة ؟؟ تحسين بشي غريب مو كنه ريحة حلبه خخخخخخخخخخخخخ
وهي تقولي يابنيتي ما فيك شي قومي بس ما عندك شغله ^_^

النتايج كالتالي

تساقط شعري خف للربع يعني اول وانا امشط انظف المشط من الشعر 3 مرات الحين مرة والشعر مو كثير
شعري قام يطول اسلاع من قبل

بشرتي صارت نامعه وبيضا جد كل ملاحظ اني مبيضه

زاد وزني بشكل عام بس

كان الاغلبيه من نصيب الصدر والارداف طلع لي كرش صغير بالبداية كرهته بس الحين قمت احبه

وبس هذا تجربتي ومابي منكم الا دعواتكم الحلوة بالتوفيق بالدراسة الله يجزاكم خير بهالايام الفاضله

وسلام عليكم ^_^