ودك تغيرين وما عندك ميزانية؟

اكيد وايد منا مروا بهالموقف.. احيانا كثيرا ودك بالتغيير في شكلك او ملابسك او في بيتك ، اثاثك ، مفرش السرير، او غيره وما يكون عندك ميزانية كافية او على الاقل مو المبلغ الي في بالك

طيب شالعمل؟؟؟

في حلول بسيطة وسهلة ويا ريت البنات يشاركون معانا

بالنسبة للملابس انا استخدمت فكرة بسيطة جدا .. في ملابس صارت قديمة او صغيرة -احم احم- فقمت البسها بطريقة مختلفة
يعني القميص الي ما تتسكر ازراره قمت البسه وهو مربوط - يعني يطلع البطن او البلوزة الي تحته
واذا احسنت الاختيار راح يطلع وايد حلو باللبس واذا كان هذا مو ستايلج راح تفاجئين الناس واذا تستحين جدام الناس لبسيه الابو العيال راح يتفاجا بالستايل الجديد واذا كنتي شاطرة راح يقوللج من وين شريتي هالقميص الحلو؟؟

فكرة ثانية تتعلق بالديكور
ان عادتي ما اقط شي واغلب اشيائي اخزنها
فاذا عندج مثلا مفرش سرير قديم طلعيه واستخدميه راح تحسين بالتغيير
او اذا عندج فازات هدية من ايام العرس وفي صندوقهم ما فتحتيهم فتحيهم وحطي فيهم ورد- من المشاتل ارخص وايد- وراح تحسين بالتغيير

ها شنو عندكم افكار بعد ؟؟