وديت بنتي عمرها 9 سنوات للدكتورة .. والدكتورة تخرعت من نحفها !!!!

السلام عليكم ورحمة الله وبركاته ..
قبل كم يوم بنتي اللي عمرها 9 سنوات كانت مريضة وفيها حرارة وديتها للدكتورة ولما كشفت عليها لقت هيكلها العظمي وااااااااااااضح جداااا من نحفها وسئلتني اذا اكلها طبيعي قلت لها اي انه عادي اكلها .. وقالت لالالالا ياماما ده مش طبيعي ولازم تتخن شوية لان شكلها وحش أوي << أم اللهجة المصرية :hahaha: ..
وقالت عطيها فيتامينات مع اني ماقصرت 3 شهور اعطيها ولا في فايدة جسمها هو هو نفسه ماتغير ... عاد من جد ضااااق صدري .. لان قبل فترة مدرستها كلمتني وقالت لي نفس الشئ ان بنتي ضعيفة بالمرة .. والله من جد يا اخواتي نحفها مضيق صدري والكل يضحك على شكلها وعلى نحفها الزايد .. حتى الملابس ابدا مو حلوة ودائما وسيعة ..
وهي تبغى تسمن لان اختها اللي اكبر منها بسنة اسمن منها بشوي والملابس تليق عليها وهي تحس بالغير منها والله ما ادري وشسوي .. عندي صورها وهي صغيرة مرة تجنن يعني مو سمينة لكن مليانة شوي وتنقهر لما تشوفها
وربي نفسيتها تعبانة ولا في شي يسمنها .. حتى العسل جربته لها ولا فاد .. اذا عندكم اي شي يسمنها بشرط يكون مايضر بصحتها اكون لكم ممنونة ... كل اللي ابيه تسمن شوي بس شوي :icon33: ما ابغاها تصير دبة بس على الاقل يكون شكلها باللبس والمنظر لااااايق .. الف شكر لكم مقدما ...

ملاحظة :
اخوها عمره 13 سنة وماشاءالله تبارك الله عكسها سمين والكل يتريق عليه ... لكن مشكلته ان اكله غير صحي ودائما ياكل من الوجبات السريعة ومايحب اكل البيت ابدااااا ودائما انا وياه في جهااااااد والله اني غصبته مرات ومرات على الاكل الصحي وبدون فايدة ...