ودي أحس إني أنثى

إن شاء الله البنات الخبيرات بالمكياج يردون عليك .......،
لأني انا مثلك ما احط الا شوي كريم اساس ما اكثر بعد يدمر البشرة وشوي بودرة وكحل جوا العين ومسكرة وروج بس احس اني ابدعت هههههه واذا بغيت اكثر حطيت شدو لون واحد بس .

اذا بغيت اروح زواج طبعا اروح مشغل وشوفي عاد اذا شفت وجهي بالمراية ما اعرف روحي اخوف انقهر واقول استاهل انا اللي ما اتوب واروح امسح ثلاث ارباع المكياج خخخخخ يعني ما استفيد شيء

هلا يا عمري :) ...

ما أتخيل في هالزمن في بنت بالجامعة مثلكـ كذا :) ....

بفيدج باللي أعرفه يا قلبي ...

أول شي للصباح أختاري واقي للشمس مناسب لبشرتج للصباح ...
و حطي عليه بودرة سايبة بلون بشرتج ... و اذا تحبين البلاشر حطي على خدودج ... عطي نفسج أحلى :) قدام المراية ... و حطي على تفاحة الخد بفرشاة كبيرة .... حطي اللون اللي يناسب لبسج ...

أنا للصباح من البلاشر نفسه أحط على ثنية الجفن ... يطلع اللوك مرتب ....
اذا تحبين الكحل كان بها ... حطي ... و اذا لأ براحتج :) ...

الماسكرا الماسكرا ثم الماسكرا ... هذا الأختراع يخليج تجننين و عينج واااااو ... أحب الماسكرا ...
أحلى ماسكرات ماسكرات ماكس فاكتور ... أحب لاش ليفت ....

بما أنه شي جديد عليج .... بتحتاجين تتدربين ... و أنتي دكتورة و أخبر كل شي يبا له تعود :) ...

و أخر شي حطي مرطب من ماك أو البودي شوب أو حتى لابيبو بالفراولة أو الكرز ... و عليه جلوس اذا تبين ... أنا ما أحط جلوس هالأيام المرطب أو أخط شفايفي كاملة بالتحديد لأن الموضة هالأيام الشفايف المطفية :) ....

أما مكياج السهرة فالأختلاف بصغره بما أنج مبتدئة ,,,

قبل المكياج ب10 دقايق حطي أي مرطب تحبينه لوجهج ... و أصبري عليه ...
بعدين أبدي بكريم أساس مناسب لبشرتج :) ... و البودرة .... أما الأضاءة تحطيها في أعلى الخد ... شوية بالجبهة و الذقن و على عظمة الأنف ... مكياج العيون خذي لج شدوات من ماك ... لأنه برأيي الأفضل و بلشي تتدربين كيف تحطينها و طبقي الرسمات السهلة بالبداية و ألوان قليلة ... و مع الممارسة بروحج بتتطورين .... الماسكرا ... أما الايلينر هذا حاسني حوس لحد ما أتقنته فيبا له وقت أطول ... و عشان تحول جذري باللوك عليج بالعدسات واااااايد تحلي العين في السهرات و تغير :) ...

حددي شفايفج بلون طبيعي و عقبه حطي الروج اللي تبين ... و الجلوس ...

البلاشر بالسهرة أحب أحطه في أسفل الخد ... أحسه أحلى ,,, و الراي يعود لج ...

و أهم شي ترا اذا ما كنتي واثقة باللي حاطته و مش حابته و ما شفتي نفسج حلوة ... هذا بيكون معكوس على اللي يشوفونج ...

اللوشنات المعطرة من فيكتوريا سيكريت تدوخ تلقينها بلايف ستايل ... و تعلق بالجسم ...
و معها ما تحتاجين عطر ... العطور هذا راجع لذوقج خذي لج لفة بالسوق و شوفي شو بيعجبج ...

و أتمنى أفدتج ما أبا منج الا دعوة حلوة بأن الله يحقق اللي ببالي :) ...

و أي أسئلة أنا حاضرة ...

السلام عليكم


انشالله بفيدك باللي عندي
بس بالبدايه بقولك شغله وحده .. مافي وحده فينا نولدت من بطن امها عااااارفه المكياج !!
كلنا لعبنا بويهنا لعب يالله صرنا نعرف نتمكيج .. والحمدلله انك حابه تتعلمين هالشغله .. لانك اذا حبيتي تتعلمين المكياج جذيه راح يصير عندك حماس وتتعلمين بسرعه


ما قلتي شنو نوع بشرتج .. وشنو العيوب اللي فيها !!
على كل حال انا بفترض ان بشرتج عاديه !


اول شي مكياج الصباح

1 - ابتدي بمرطب .. اي مرطب خفيف .. انا استخدم اولاي كلاسيك ووااااااااااايد حلوو وناعم


2- الكونسيلر ( مخفي العيوب ) تفردينه عن طريقه الطبطبه .. عن طريق الطبطبه << الطبطبه شفتيها مو المسح !!
تختارينه افتح درجه او ثنتين من لو اساسك .. وتحطينه على هالاتك السوداء .. واذا في حبوب او اثاار حبوب .. وفي وايد ماركات زينه .. في فورايفر الباليت .. بوبي براون ... كنيبوو

3- فردي الاساس .. احس شي الاصبع .. لانك باصبعك راح تسخنين الاساس وراح ينمد وياك بسهوله
حطي نقطه على خدك اليمن .. وقطه على خدك اليسار .. ونقطه على حنكك ونقطه على جبهته .. وطبطبي عليهم ( لطممممممممممممي على خدينك بس بشويش خخخخخخخخخخ:22: ) بعدين اذا حيستي ان النقطه انفردت ... مسحي مسح خفيف وناااعم .. او بالاحرى مدي مش مسحي
في وايد اساسات حلوه للصبح .. مثل فيس اند بودي ز من ميكب فورايفر


و ورندفنيش من مابلين


ودريم موس من مابلين



وبعدين حطي رتوش فوق الاساس شويت بودره .. عشان تثبته .. واحسن بودره على الاطلااااااااااق جيرلان الذهبيه .. روعه ... حطيها بالفرشه عشان تعطي لووك طبيعي


نصيحه : اذا بشرتج حلوه .. وعاديه (غير جافه ) اكتفي بوضع المرطب .. ثم الكونسيلر ثم البودره ( بس عن طريق الاسفنجه مو الفرشه ) لان مافي تحتها طبقه اساس .. عشان جذيه يفضل تحطينها بالاسفنجه عشان تغطي اكثررر


4- رسمي خط بقلم الكحل بمحاذات الرموش ( مع مط طرف العين شوي ) وخلي خطك شوي شوي عريض .. وبعدين مرري عليك اصبعك .. بخفه .. عشان يعطي منظر سموكي او دخاني
ورسمي خط رفيع محاذات الرموش السفليه .. ونفس الشي مشي اصبعك عليه شووووي .. واذا تحطبين حطي كحل داخل العين ولو تحبين تعمقين سواده .. رسمي فوووقه خط بالاي لاينرر بس على الجفن الفوقي
وايد ماركات زينه .. انا استخدم ديورر زين بس ودي اجرب غيره !

5- المسكرااااااااااااااااا مثل ما قالت الاخت damar لانها بتعطيج منظرر حلوووووووو
وطريقه وضع المسكرا انك تجيبين منظره وتحطينها بمستوى صدرك او ارفع شوي ( المهم ان تطالعي تحت ) وتمررين فرشاة المسكرا بين رموشج .. وتمشطينهم ... مره .. ثنتين ... ثلاث .. الى ان تحسي انك مشطيتهم زززززين .. ذيك الساعه رفعي منظرتك خليها قبااااال وجهك ... ومشطي رموشك الى فوووووق مره الى 2 كافي ..مع هززز الفرشه خفيف <<< :42: هز درس رقص لووول
وافضل انواع المسكرااات .. ماكس فاكتور 2000 ولاش لفت .. لورياااااااااال .. بلاا لانكوم بلا بطيخ


6- البلااااااش ( حمرة الخدود )
استخدمي فرشاة كبيره شوي مو اللي بالعلبه تبع البلاااش .. ضحكي ..راح تبرز خدودك اللي تحت عينك( وجنتيك ) مرري الفرشاة على البلااااش .. ثم مرريها على وجنتيك .. بتجاه اذنك .. وبعدين روحي وتعالي .. وروحي وتعااااااااااااااالي ان ان يندمج ززززين ويا بشرتج .. ويبين طبيعي
لا تكثرين خذي كميه بسيطه .. واذا احتجتي زياده زيدي .. بس لا تبتدين بكميه كثيره لانك ما راح تقدرين توخرينها فهمتيني !
انصحك باللون المشمشي .. او الوردي اللحمي ..... ما في ماركه معينه


7- الروج = الحمره = احمر الشفاة :)
اختاري لون نااعم .. لحمي .. او وردي يميل للحمي .. وحطي على شفايفج .. او حطي قلوس .. احلاا للصبح



وبس ... المكياج بسيييط .. وصدقيني الخطوات وايد بس بالتنفيذ ما يطول .. واذا تعلمتي ايدك بتاخذ على الوضع وما راح تاخذين اكثر من 10 دقايق !!!

موفقه عزيزتي :26: و ااااااي سؤااااال انا حاضره :)

بالنسبه للعطوووور

حاولي تغيرين .. انا شخصيا ملوله ما احب استخدم عطر وااااحد فتررررره طووووووويله !!!


حاولي تشترين لج عطرين ( حجم صغييير ) عشان تشترين غيرهم .. :)

وعشان تميزين بريحتج .. انصحج .. بعد ما تسبحين حطي لوشن ( اي لوشن تحبين ) على ايدينك .. واعلى صدرك .. وطبعا ساقينج ..
انا استخدم جرينجنز مليتي فيتامين .. حلوووو وتمتصه البشره بسررعه .. وريحته تعجبني



بعدين نثري بودرة بودي شوب الوايت مسك على اعلى صدرك ... و كتوفك وزنودك
وهذي صورتها .. في منها نوعين بلمعه .. وبدون لمعه
وهذي صورة اللي بلمعه


وبعدين رشي على صدري شوي من بودي سبري او بودي مسيت انا افضل بودي شوب .. احلى شي واستخدم الوايت مسك بعد


** اذا ما حبيتي مالوت بودري شوب في واااايد ماركات ممكن فيكتوريا سيكرت .. وغيرها كثير **

وبعدين لبسي ملابسك ... وتعطري باي عطر تحبين .. وممكن تحطين شويه دهن عووود تحت اذنك .. وعند عظمة فكينك ...

انا هذي طريقتي .. احس انها تخليني فررررش :) واحس بالنظااافه .. ما احب استخدم عطووور ثقيله .. ودهن عووود و بخووووور و دخوووون بشكل يومي لانها ثقيله ... اللهم الا بالمناسبات االكبيره !

وهذي مجموعه من احلاااااا العطووور .. وطبعا الاذواق تختلف.. انتي روحي شميهم واللي يعجبك منهم خذي .. وبالغالب انها عطووور نعوومه << لوول لان هذا ذوقي
ما احب العطوووور الثقيله او اللي على ريحة فواااااااكه او حلااااو :09: << عسى ذوقك مثل ذوقي

المهم .. هذي العطووور


ستيلاااااا << ع ج ي ي ي ي ي ب ه




888 يتــــــــــــــــبع 888

فرساتشي الوريه ,, انتبهي الوريه في منها لون اسووود مدري بنفسجي غاامج :09: ثقيله


ديور اديكت 2



Dolce & Gabbana the one


boss femme << واااااااااااااااايد حلووو اينن نعوووووووووووووم



City Glam من ارماني ..



هذا اللي ببالي حاليااا .. و عموما اي عطر لونه فاااتح .. وردي او اورنج او بنفسجي فاتح .. هذا غالبا نعوووووم وريحته ورود ناعمه
واي عطر لونه اخضر .. ازرق . هذي عطوووور الفرش << يعني مخترعه الذره :42: لوووول


دعواتك ... مع السلامه