كوبونات الراقية تسجيل الدخول

رغم الجرح مانسيته

ودي أخذ أستشارة أو ملأحظة أو قصة بس أهم شيء شيء يخص وضعي !؟

الأسرة والمجتمع •

السلأم عليكم ورحمـة الله وبركــاته ..

أخبأركم ...

أن شاء الله دوم يارب لـكل وحده هي بخير وصحة وسلأمة ..

ومبروك عليكم رمضضضضضضضان .. وعساه من اللي يصومه عاما بعد عاما ..

مدري شلون أبدا قصتي ..

أنا مطلقة ولي طفليــن عمرهم 3 & 7 ...... سنين ..

و يتيمة . . و أوقات أفكر إني أتزوج .. وأبني لي حياة بعيدة عن الدنيا كلها .. ويكون عيالي وياي ... :(

و زوج متفاهم وحنون وقلبـه كبير ويحب عيالي ويكون لهم الأب والأخ .. وأحبه ويحبني ويعاملني مثل ما أعاملـه تماماً .. وطبعا سبب طلأقي ( إن طليقي أنسان يمشي وراء أهواء حرمته الأولي و لا وظيفة ولا مشغلة غير أخلاقه اللي ما طلعت الأ بعد ما أخذته ، )

أوقات أقول أخاف أتزوج وأتورط .. وأعيش حياة نكدية من جديد .. وأوقات اقول الحرمة لأزم يكون لها سند بهالدنيا
و إنسان تحبه ويحبها وكلـن أكيد يبي هالشيء لنفسـه .. وأوقات أقول يمكن المجتمع بنظره إن المطلقة ..
إنسانة ما صار لها كذا الأ بسبب شيء فيها أو عيب .. وأخاف أنظلم أكثر مما أنظلمت ..

وما أدري وش أسوي .. أحس التفكير أشغلني لأني ودي أبني حياتي على أسسس أكون أنا وأولادي مرتاحين طول العمرررررررررر كلـه ..

وطبعا .. أولادي مرات أقول ودي أخذهم معاي لو تزوجت بس أهل طليقي وطليقي من حقده علي لأنه يبي يرجعني وأنا رافضة أرجع له .. إنه يأخذهم لو سمع إني أبتزوج .. و أهلي يقولون الأولاد ما يضيعون مثل البنات ..
يعني عادي لو رميتهم .. ( بس أحن عليهم أرميهم لـ أبوهم وعمتهم الله لأ يوفقها لا دنيا ولا أخرة ، وتظلمهم )

يكفي أنهم أنحرموا من حنان الأبوة .. حرام أحرمهم من حناني .. وحنان الأبو ( عمهم ) لو الله صار نصيب وتزوجت وصار يحبهم < أكيد الزوج ما يحب عيال حرمته الأ اذا الحرمة وياه أخلاق وثقل وسنعة ..

مرات أفكر أكمل دراستي و أولادي يدرسون واعيش ببيت أهلي أرحم بكثير من سالفة الزواج

بس البنت مهما كانت ، تبي مملكة لها تعيش فيها لحالها .. وإنسان يحبها وتحبه .. وتكون حالها مثل حالة أي فتاة :(

أبيكم تدعون لي .. بالخير .. وودي أي وحده عندها رأي أو شيء تقولـه أو سالفة عن مطلقة وياها أولاد وتزوجت وأرتاحت بحيأتها ..

تدرون ليـه أفكر بهالأمور ؟؟

لأن عمري .. بهالشهر .. أكمل 23 وأدخل ب 24 سنة < يعني صغيرونة ، :44:

النصيب خلأني اتزوج ويصير اللى يصيرر ................

يعطيكم العافيـة ع المتابعة ..

أستغفر الله وأتوب أليـــه .. سبحان الله وبحمده ..

22
2K

يلزم عليك تسجيل الدخول أولًا لكتابة تعليق.

تسجيل دخول

الخيــزران
الخيــزران •
أنا أحس أن مشاعرك عادية ومن حقك تفكرين في الأستقرار وبنفس الوقت أكيد بتخافين على عيالك
ومافي شي مستحيل على رب العالمين أدعي ربك أنه يرزقك بزوج فيه المواصفات اللي تبغينها وأنه ييسر لك أن اولادك يكونون معاك
ونصيحة أولادك لازم يكونون معاك ترى ماأحد بيكون أحن عليهم منك وخصوصاً في هالزمن اللي كثرت فيه الأنحرافات
والله يوفقك
الواثقةبالفردالصمد
الواثقةبالفردالصمد •
حياتي انتي العيال مايضيعون مو زي البناات وانتي توك صغيرة انا بصراحة اشوف انك تتزوجين وقبل لاتتربطين تااكدي انة صاحب دين واخلاق عشان مايظلمك انتي وعيالك وصدقيني عيالك ماراح ياخذهم ابوهم زوجتة مااتوقع بتوافق تتحمل مسؤليتهم وانتي استخيري وشوفي وربي يوفقك دعواتك ياقلبي
حلو غندور
حلو غندور •
اذا جاك ولد الحلال الصاحي وحطي تحت كلمة صاحي 100خط تزوجي الله يوفقك
لكن مو تتزوجين عشان الزواج وبس لانك جربتي الزواج مع طليقك
فا قبل الموافقه لازم تسئلون عنه كثير عشان مصلحتك
وبعدين ياختى انا مع الدراسه فاهي الطريق الامن للحياة العمليه
كملى دراستك الان واذا جاء الى يستاهل استخيري بعدك فى مقتبل العمر
وعيالك مو ضايعين ابد اشرع يخيرهم بنك وبن ابوهم فى سن 7سنوات
وكله كم سنه ويشلون انفسهم
اطلالةالقمر
اطلالةالقمر •
ياقلبي من حقك تعيشين ويعيش عيالك معك بسعادة انت بحاجة رجل لك ولعيالك وماضن ابوهم بيتحملهم

بس انتي كثر استغفار وادعي ربك يرزقك باللي يسرك والله يبارك لك بشعبان ويبلغك رمضان
ذكريات هند
ذكريات هند •
يا قلبي اذا معاك بنت راح ياخذها ابوها

استخيري