سلامي عليكم آل حواء فرداً نفراً..
:icon33:
كيفي ودي أصيح :icon30:
تتصور الفتاة فارس أحلامها...ويتخيل الشاب فتاة أحلامه...
وتجمعهما الأقدار..وتتم الخطبة..
ويرسمان معاً مستقبلاً وردياً ..
وبعدين عقب الزواج تخرب الأخلاق <<< تطيبين إن شاء الله :hahaha:
الزواج سنة الحياة ..وشي طبيعي لاستمرار البشرية وإنك تقابل كل أنواع النفسيات << عليك إسلوب!!
لكن فيه ناس ما ودّك إلا تحطهم بحجز انفرادي..ولو حصل بـ حفرة عشرين متر ما نقول لا
وقسم بالله أنانيين لأبعد حد..
<< طيب وش السالفه أول
لاحظت إن بعض الأهل...نقمة على عيالهم وبناتهم..
للأسف أشياء تصير تخليني كذا
مثال..
ولد مؤدب..خلوق..مهتم بدراسته...طلعاته قليلة جداً وبعلم أهله..
ومع ذلك...
عليه حصار من الشك وسوء الظن ..
من الأب والأم .. وسوسة غير طبيعية شيء يفوق التصور..
لدرجة الابن صار يقول بديت أفكر أشرب دخان عشان يقولون خلاص داشر ما منه فايده
للعلم الولد هذا صار شاب الحين ومع الضغط يعاني من نوع من الاكتئاب..والعزلة عن الناس..
تسمعون بالتربية أنتم؟؟؟ تسمعون؟؟؟
على بالكم خايفين عليه؟؟؟
هل الخوف على ولدك إنك تحاصره وتضغط عليه وتحسسه إنه لازال بزر وهو بسن العشرين؟؟؟
وين التفاهم وين الحوار وين النقاش؟؟
للأسف معدوم...أوامر ونواهي بدون مراعاة ولا تبرير..
والنتيجة هم أول من خسر ولدهم..
لا إفراط ولا تفريط..
يا حصار...يا تفلت؟؟؟؟
المفروض هالنوعيات يحرم عليها الزواج والأمومة والأبوة...
عاهاااااااااااااااات الله لا يبلانا
المثال الثاني..
في بنات يبغون يتزوجون بأي طريقة عشان يطلعون من بيت أهلهم..
هذا السبب الرئيسي لهم...
طيب ليه؟؟
مو المفروض الواحد يتمنى ما يفارق أهله أبداً؟؟؟
اكتشفت إن بعض الأمهات تكرف بنتها وكأنها خدامة..
وبنفس الوقت بنتها الثانية مدللّـه معززة مكرمة..
:blink:
ذي بنتكم وذي بنت الجيران؟؟
بعذرها لو كرهت البيت بكبره..
والمصيبة الأكبر لما تصير تفرقة بين البنات والأولاد..
وشي واضح للعيان...
وبإسلوب استفزازي جداً جداً..
أحيان مواقف تصير قدامي ..أرد مع إن مالي دخل..
بس الإحساس بالظلم والقهر يخليني أتكلم..
وش ذا الفوضى؟؟
وغيرها أمثلة كثير كثير..
الحين بديت أفهم ليه كثرت العقد النفسية عندنا..
عاد حتى أهلي بديت أشك فيهم :icon30:
ودايم أهدد...ترى بطلع بشقة لحالي..
ما تسوى علي عقد فوق ما أنا متعقدة..من الحين أعلمكم << مطولة بالدنيا أنتي؟؟
خافوا الله يا ناس يا عالم..
اللي مب قد مسؤولية تربية..ينثبر بلا زواج..
مو يتزوج ويجيب أولاد..
ويرتكب فيهم إثم
وبدال ما يدعون لك..يدعون عليك..
ولا ألومهم...
اذكر واحد<< هماه قضينا خلااص ..
أبوه كان رجل الله معطيه ..
لكن قتّر على أولاده بشكل حرمهم من حتى الفسحة في المدرسة..
ولما توفى..
الإبن من زود القهر والضيم ...
اشترى أغلى سيارة قدر عليها..
وراح صدم فيها جدار..
ونزل جنبها وجلس يبكي..
مقهور من أيام حاجته للناس..وأبوه غني!!..
أدري طولت..
كيفي موضوعي واكتب اللي أبي << وخربتها هـع..
لكن من كثرما شفت فجر بداخلي شي..
وما توقعت بكتب كل هذا..
ولسا باقي..
بس نكتفي بهذا القدر..
تقل عطيتكم وجه <<< تبي تنجلد الليلة خخخخ..
لا فض فوك