ودي أطور من نفسي معنويا ثم ماديا.. اللي فاهمين علي مضبوط يدخلون

السلام عليكم
كيف حالكم وكل عام وانتم بخير

بنات حابة تساعدوني بالشيء اللي انا افكر فيه
بعطيكم كل شيء بالمختصر
اولا انا خريجة جامعية صار لي تقريبا 3 سنوات او 3 و نص متخرجة!
متزوجة ولله الحمد وعندي ماشاء الله طفلين واختصاصي انجليزي

طبعا من يوم تخرجت الى اليوم ماوفقت بوظيفة سوى اهليه يعيشونك بمذله
وكأنهم متفضلين عليك بالوظيفة وبالاخير فصلوني دون سبب
المهم ماعاد افكر اقدم عليهم واساسا كلها للواسطات وقرايبهم

طبعا حاليا انا مقدمة ع جدارة والله كريم..
اللي افكر فيه لولا قدر الله ما صار لي نصيب بجدارة هو كالتالي :
ابي آخذ دورات وشهادات مفيدة جدا بمجال التوظيف. (اللي تعرف شي بهالمجال تفيدني)
او اي شيء اي شيء يفيدني بحياتي ويدعم شهادتي .. حتى لو اكمل دراسة ماجستير
لكن اخاف مايقبلون النسب اللي ماهي عاليه)اللي تعرف شيء بهالخصوص تفيدني(

***نجي للشيء الاهم واللي مسبب لي عائق كبير في اني ما اقدر اتحرك او اسوي شي
طبعا اللي هم اطفالي.. طبعا انا ماعندي احد يمسكهم ابد لا اهل ولا شيء لانهم بعاد وزوجي رافض يجيب شغاله وانا مصروفي مايساعد ولا كان جبتها والله من زمان.. ف وش الحل ؟؟
بنتي عمرها 4 وزيادة صح بتقولون دخليها روضه بس احس ماودي اشقيها كل صبح لاحقه عالشقا.. والطفل الثاني مدري وش اسوي احس اني ضايعه ومشتته والحضانات ماقدر ماعندي مادة ادخلهم..
اللي خلاني افكر هالتفكير هو اولا اني صراحه طمووووحه مررررة احب اتعلم واشغل وقتي وثانيا ودي اكسب لقمة عيشي بشهادتي والعمر والله يمشي الى متى نستنى الوظيفة .. بنات ودي اضمن مستقبلي
والاهم من هذا كله ابي اسوي شيء ينفعني بآخرتي كالاعمال الخيرية قدام رب العالمين بس مابيدي حيلة غير الدعاء يأست من التقديم عالوظايف


اللي تدخل ترفع الموضوع بالدعاء والذكر
والدعاء لي بتسخير الزوج وصلاح الابناء والوظيفة

جزاكم الله خير