عطر منعش @aatr_mnaash

عضوة

ودي أعرف رأيكم ...لا عت جبدي من دوامي !

السلام عليكم ورحمه الله وبركاته

من زمان ما دخلت عالم حواء ..واليوم داشه ودي تعطوني رأيكم ..
اذا تداومين في مكان وصار لج عمر مو 10 سنوات والا 15 سنه ؟ لا أكثر شوي !!
ممكن أغير مكاني بسهوله ..
لاعت جبدي وكرهت المكان ..طبعا توجد أسباب تتعلق بالعمل ..والبنات اللي معاي ..وأنا معاي الحق ..
جدامهم ما يحسون انه فيني شيء ..ولكني مو قادره أتعامل معاهم مثل قبل ..فيه شيء وجدار بيني وبينهم ..يعني مو قادره أنسى اللي صار لأنه كان فيه مثل الاستهبال علي ..طول عمري أسامح ولكن طفح الكيل .. وأدري انهم متمسكين فيني لأني مخليتهم على كيفهم ..ويخافون تجيهم مسئوله تطلع عينهم !
يعني مو حبا فيني ولكن للمصلحه فقط ...
الحين ممكن أتقاعد ..ولكن ما أبي أتقاعد الحين يمكن بعد سنتين - ثلاث - أربع ما أدري .لأن عيالي كبروا
وما عندي مسئوليات بالبيت .و مو من النوع اللي أطلع بيتوتيه أحب البيت ..لذلك الدوام هو متنفس لي أعرف منه
العالم بخيره وشره !ّ! وفي نفس الوقت طلعتي من الدوام سهله لأي ظرف لأن المسئولين يعرفون قيمتي ..ويعرفون شغلي ...ما يحاسبوني على الدوام ..
وين المشكله ؟
قمت كتاب نقل الى قسم ثاني ..علشان أوخر عنهم ..ولكن النقل متوقف الحين في كل الدوائر علشان انتخابات مجلس الأمه !! وين ما أطقها عويه لازم أنطر شهرين على هالغثا ..
دوامي مو مثل قبل ..اليوم وصلت الدوام بيني وبينه شارعين ...رديت البيت !
مو عارفه شسوي ؟؟
صج هي مو مشكله كبيره ..بس شيء يهمني حبيت أعرف رأيكم بتصرفي بس ..هل أستمر بسياسه التطنيش
ولا أرجع مثل قبل في تعاملي معاهم !
المشكله فيني وما أبي أمدح نفسي لأني أعتبر هذا عيب في شخصيتي أني أنسى بسرعه ..
ولا كأن صار شيء ..

أنتظر رأيكم وألف شكر مقدما ..

815

يلزم عليك تسجيل الدخول أولًا لكتابة تعليق.

تسجيل دخول

للابداع قمه • 15 سنة

اختي رايي انك صبرتي كم سنه اصبري لم سنتين وتقاعدي وانتها الوضع
الله يوفقك

صحن فتوش • 15 سنة

تبين رأي بصراحه وراح ترتاحيييييييييييين اول شي خليك بعملك مصدر رزقكك وخلي التقاعد بعدين طبعا اذا ماكان شغلك مسبب لك مشكله بالبيت

شي عجيب ورهيب ومفعوله زي السحر واكثر بس انتي سويه

اول شي كثري استغفار اشغلي السانك استغفار طول الوقت

ثانيا ادعي باوقات استجابه وطبعا تعرفينها انو الله يبعد عنك شر هالبنات وان الله يسخرهم لكي وكل ما رحتي للدوام اقري بالطريق ( اللهم اكفنيهم بما شئت)
وبعد ما تصلين الفجر اقري ادعية الصباح والمساء كل يوم

ثالثا داومي على قراءة سورة البقره والقراءن كله خير
وانتي تصلين تحسبي عليهم واطلبي من الله انو يبعد عنك شرهم ويريحك بشغلك

اختي سوي الي قلتلك عليه وربي راح تخف المضايقات عليك وراح يحسبون لك الف حساب وراح تذكرين كلامي

بس انتي طبقي كلامي مو شهر بس استمري

دعواتك لي بالوظيفه اختي :27:

عطر منعش • 15 سنة

للابداع قمه :

اختي رايي انك صبرتي كم سنه اصبري لم سنتين وتقاعدي وانتها الوضع الله يوفقك

اختي رايي انك صبرتي كم سنه اصبري لم سنتين وتقاعدي وانتها الوضع الله يوفقك

للابداع كلمه ..
جزاج الله كل خير ...
الصبر صعب والله ...وأنا الى الآن صابره وأشوف آخرتها ...
ألف شكر لج ..رأيج مهم عندي لما قرأت في بعض ردودج الحكيمه ,,

عطر منعش • 15 سنة

صحن فتوش :

تبين رأي بصراحه وراح ترتاحيييييييييييين اول شي خليك بعملك مصدر رزقكك وخلي التقاعد بعدين طبعا اذا ماكان شغلك مسبب لك مشكله بالبيت شي عجيب ورهيب ومفعوله زي السحر واكثر بس انتي سويه اول شي كثري استغفار اشغلي السانك استغفار طول الوقت ثانيا ادعي باوقات استجابه وطبعا تعرفينها انو الله يبعد عنك شر هالبنات وان الله يسخرهم لكي وكل ما رحتي للدوام اقري بالطريق ( اللهم اكفنيهم بما شئت) وبعد ما تصلين الفجر اقري ادعية الصباح والمساء كل يوم ثالثا داومي على قراءة سورة البقره والقراءن كله خير وانتي تصلين تحسبي عليهم واطلبي من الله انو يبعد عنك شرهم ويريحك بشغلك اختي سوي الي قلتلك عليه وربي راح تخف المضايقات عليك وراح يحسبون لك الف حساب وراح تذكرين كلامي بس انتي طبقي كلامي مو شهر بس استمري دعواتك لي بالوظيفه اختي :27:

تبين رأي بصراحه وراح ترتاحيييييييييييين اول شي خليك بعملك مصدر رزقكك وخلي التقاعد بعدين طبعا اذا...

صحن فتوش
جزاج الله كل خير ..والله يوفقج في الدنيا والآخره و تستلمين وضيفتج أقرب وقت ..
الاستغفار والدعاء فعلا لهم سحر عجيب . ..لساني بعد المشكله بدأ يتعود على الاستغفار ..وأنا أشتغل
وبدون ما أحس بعمري .. رب ضاره نافعه وعسى أنتكرهوا شيئا وهو خيرا لكم

لا فض فوك على هذا الرأي ..
وأعجبني هذا الدعاء
..( اللهم اكفنيهم بما شئت)

##ام الهنوف## • 15 سنة

اقول لك الصدق ومن واقع تجربه عن زوجي هو مثلك بعمله مسؤول عن قسم واللي عنده مافيه التزام وطنش والمدير المسؤؤل ما يدري عنهم فقلت له دام العمل ماشي خلاص انت بعد طنش لان الالتزام يبدء من عند الواحد لوبيطبق الانظمه بحذافيرها اول واحد بيتظرر هو 0لانه تجيه زنقات ويطلع وظروف ويلقى اللي يغطي عليه عشان كذا هو يعديها0 عديها اختي ولا خذي لك اجازه شوي طويله حتى تشتاقين للعمل00 الله ييسر امرك0