ودي أعرف مين قال لها

موضوعي من أمس ما نمت أفكر فيه
هذا الله يسلمكم وحده تقرب لي هي وبناتها ما بينا توافق ولا تقبل ولا شي
يوم زواجي ولا وحده منهم باركت لي ولا مدت لي هديه جايبين هديه ب اسم ابوهم ومعطينها بنتهم الصغيره تعطيني اياها ام 7 سنين وحاطين الفاتورة جوا الكيس . مع ان الفاتوره مكتوب فيها ممنوع التبديل او الترجيع
صرت احلم بوجودهم احلام فيها " ثعابين تلتلف على رجلي وجراذي واشياء تخوف " وفعليا خلاص شلتهم من حياتي
المهم تزوجت وصرت اتصدد عنهم حتى بالمجالس اسلم لـ ان السلام لله وما اسولف معهم ولا اطالع فيهم ولو وحده سولف مسكت جوالي او صديت اسولف مع الي جنبي اهم شي اني صاده


الموضوع وين ؟
حملت وحملي ما علمت فيه احد وما رحت للاجتماعات الي هم فيها كل مره امي تتعذر لي بشي وهي صادقه مره مسافره مره زوجي جاي ومن هالكلام
حملي مجرد خبرت فيه امي و ابوي بـــــــــــــــــس
المهم فلانه هذي اتصلت على امي .. ردت امي وجلست تبارك لها بحملي وتسألها عن وحامي ! وكيف وضعي ؟
امي استغربت وش دراها ؟ قالت محلمه فيها انها حامل ودقيت ابارك ... " عذرها ما دخل مزاجي ابد "
يعني يوم زواجي ما باركت لي وانا ناشره الخبر بين الناس واللحين داقه ومتصله تبارك واحنا ساكتين محد داري عن الموضوع
عذرها مادخل مخي من متى نحلم بالناس وندق نبارك لهم على اساس حلم ؟
واصلا الي اعرفه الحلم بالحمل يعني هم والولاده كربه وتزول فـ على اي اساس اكتشفت اني حامل


امي وابوي حلفوا لي انهم ماقالو لي شي وانا ماقلت لـ احد ابدا ولا احد يدري ولا صورت شي حتى روحه المستشفى اروح مستشفى منطقه ثانيه