ودي أكتب 00 بس أخاف أبوي يقراه !!

الاب توب جهاز جميل اذا مااحسن استعماله ومتصل بالعالم اجمع 0000

0
0
0
0
0
0
0
0
0
0
0
0
0
هذي تمويه عشان اذا فتح الوالد الموضوع يقلب الصفحه ويغير القسم <<ياألهي

يالذكائي الخارق

يالله نبداء السالفه يبدو انه غادر المكان << انحش ياكونان :icon10:










هذا ابوي والمدعو ابو كبسوله00أطال الله في عمره 00 عشت معه لحظات طفوله

رائعه ايش رائعه شويه عليها هالكلمه

00بل خياليه






ابوي كان رجل رائع 00 رائع 000 كان الله يطول في عمره طويل الجسم عريض

المنكبين وذو شارب غليظ ولحيه رقيقه



كان عصبي وعصبي جدا 00وذيك الايام ماكان طلعت موضة ضغط الدم ولاّ كان فلسع

من زمان 00سم الله عليه 00 :boom:


وكان الله يذكره بالخير له نظرات عجيبه تهز الارض اللي تحته لدرجة اننا احيانا عند

دخوله للمنزل نتطامر كنا ارانب

نتوزى في بطانياتنا 000 غصبه عنه مسيكين <<محاوله يائسه لاجد عذر له:eek:


من كثر ماهو يفقد اعصابه اذا جا يصحينا لصلاة الفجر , ممكن يرمي عليك اي شي

قريب من يده مافيه مشكله جزمه

صينيه 00 بياله 00احتمال يمسكني انا ويرميني على اختي 0000 لدرجة اذا

فتحنا عيونا قبل القصف نحسبها

اطباق طائره بس مانلحق نقوم اّلا وكل واحد جاه على جبهته اللي الله كاتبه له :icon810:




كان هالحبيب يشتغل يبيع طماط وفاكهه العصر ويدرس في الصباح وتزوج أمي وهو

مادرى00عمره 17 ماأمداه يدري انه بلغ :232:

الضعيف هواجيسه واجده ولا انتبه وشيقولون له 0



وشغله في المحل ماخذ وقته00 وكان الحريري رئيس لبنان السابق يشتغل في البقاله

اللي جنب ابوي الله يرحمه0

وشفيكم مستغربين ايه رفيق الحريري حسب رواية الوالد000 حتى اني اتوقع انه

مازرع حواجب الحريري الا عصبية

ابوي على وزن زرع في راسي نخل 0

الله يرحمه00 0




وانا مدري وشفيني كنت غبيه يالله افهم المواضيع

وحدث ان ابوي دخل مع امي الغرفه على سنة الله ورسوله :S_45:عاد انا واختي

اللي اذكى مني نحسبهم ياكلون حلاو ومتوزين عنا000


سويت فيها ذكيه وجلست اطقق بابهم وأصايح :icon33: يعني شوي واكسره

ولكن ماكان فيه اي اجابه

يعني انا غبيه00 متخلفه00 سموني اللي تبون00وشلون أتجراء وانا عارفه عصبية

ابوي

المهم فكرت في ذات نفسي اجيب صندوق واطل عليهم من الشباك عشان اشوف وش

ياكلون بس ماقدرت

00شوي وبعد وقت قصير طلع ابوي ونظر لي نظره ولاها ذيك القذيفه البركانيه

:11: الله يجزاه خير اتوقع هي

سبب صفاء بشرتي فيما بعد واعض ثوبي وانحاش في غرفتي0




يعني هي مو بالزبط غرفتي00 الكذب خيبه00 مشترك معي فيها واحد واثنين وثلاثه

واربعه وخمسه نفر الين رجولنا وصلت طرف الباب 00



ومن كثر ماني مرتاعه من زعل ابوي0:icon810:0 قررت اهرب متاثره بتمثيليه كنا نتابعها

وولدهم هرب من المنزل00


ويحهو000وتبا لهو!! هذا التلفزوين ومايجيب 00واستاهل ماجاني





ان جازت لكم السالفه دقو علي أكملها 00 ولا الماريه الغفله0