صح كلامج يا غزال الحبارى بس دكتور الجلدية خبرني إن العطور الموجودة في سيشيدو نفسها الموجودة في كلارنس و كلينك حالياً رافعين عليه قضية في بريطانيا لأن بريطانية بشرتها حساسة تضررت من كلينك و تطالب بتعويض و للعلم مستحضرات سيشيدو حائزة على براءات اختراع في مجال الطب و شوفن بنفسكن..سلام.
هلا عزيزتي هيو ..الدكتور أكيد شاطر و عنده خبرة كبيرة و بفضله انحلت مشاكل بشرتي و سألته عن الماكياج من باب الاحتياط بعد العلاج، و أساس كلينك استعملته شهر في الجامعة و الله لا يوريج الكل تموا يقولون لي: اسوديتي شو فيج؟ و لعلمج مو من لون الأساس بس لأنه بعد ما تنظفينه بتلاحظين بشرتج تسمر و تسمر مع الاستخدام مع إني بيضاء، و على طول وقفت استخدامه و ألحين الحمدالله.. لأنه الدكتور خبرني بعد ما أستعمل كريم الحماية من كلينك لأنه بعد يسود حذرني من هالاثنين من كلينك، و أختي مرة كانت محتاجة لأساس و المحل كانوا بيغلقونه في الليل و ما أحد كان موجود غير المسؤلة عن كلينك و اشترت الأساس و خبرتها قالت لي بس مرة بستعمله يمكن يناسبني .. و حطته واللون كان غامج عليها و قالوا لها اسمريتي و بعد ما نظفته اسمرت أكثر و ألحين تحاول إنها تسترجع لونها الطبيعي، إذا ما تصدقيني يا عزيزتي هيو جربي بنفسج استخدميه فترة و قولي الأميرة أوديت ما قالت، و الماركات اللي خبرني عنها الدكتور فعلاً ممتازة، فورايفر تعجبني روجاتهم و ظلالهم يعني ألوانهم و الدكتور خبرني إن أحسن كريم أساس ( للجسم) اللي من فورايفر أما أساس الوجه فبصراحة مالقيت الدرجة اللي تناسبني لأنه غامج عليّ، و خبرني إن أساس فورايفر غير طبي لكنه ممكن يناسب بعض البشرات لأن المكون الرئيسي فيه ( الماء) بس قاللي ما أنصحج فيه إذا أثر على وجهج، و إذا ما أثر عليج عادي استعمليه لأنه مائي لكن ليس دائماً في المناسبات فقط، لكن الحمد لله ألوان أساس فورايفر غامجة كلها عليّ.. إن شاء الله أكون أفدتج أختي هيو.. سلام.
الصفحة الأخيرة
وحدة تقول كلنك ووحدة كلارنس ووووو
اووه نسيت اشكركم على كل ردودكم عسوووووولات
وحبيت اخبركم اني رحت وجربت كلارنس وكلينك بس مو لهاي الدرجه
اتعرفون شوووو عجبني؟؟؟؟؟
اكيد سامعين عن مجموعه العنايه بالبشرة tea tree
وانا مثلكم بس لما رحت وجربتها لقيت شيء ثاني
مجموعه تنظيف البشرة ومن بينها اللي عجبني كثير مرطب للبشرة الدهنيه من نفس المجموعه
بصراحه رهيبه للبشرة الدهنيه انا استخدمها كمرطب عادي قبل المكياج والحين احس اللعمه اختفت من ويهي وصار ويهي فرررررش
اتمنى من الاخوات ما يزعلون مني لاني اخترت منتج ثاني
وتحيااااااتي ياااااا حبيبااااااتي