ودي اتصدق بس ماعندي فلوس

طيب ياعزيزتي سوي كم شغله مثلا في البيت تشوفين في فائض خبز صامولي احشيه لو حتى جبنه قولي لاخوك ولا ابوك عطيه العامل او عطيه الي يغسل السيارات او عطيه عمال النظافه الصبح حطي صحن فيه مويه مثلا وحطيها بالسطح يشربون منها العصافير لك صدق باذن الله وبري بوالديك ياعزيزتي بيجيك باذن الله الاجر الكثير واكثري قراءة القراءن والاذكار ويجيك الاجر الكثير باذن الله , دين الاسلام دين سهوله ويسر وكل شئ باذن الله بتلاقين له حل بأبسط مايكون . وفي نقطه مهمه الدال على الخير كافاعله يعني انتي مثلا لو قلتي لوالدينك وش رايكم لو نحط بالحصاله حقت الفلوس كل يوم كم ريال ونهاية الاسبوع بعد صلاة الجمعه يابابا تصدق فيها انتي دليتهم على خير يعني سبحان الله كانك انتي سويتيه عماتك وخالاتك اهلك اقاربك ابدي ابتكري اشياء سهله وانصحيهم فيها وتاخذين الاجر وكانك انتي سويتيه .. شفتي وش كثر الموضوع اسهل مما تتصورين ياغاليه :)

والله يوفقك

عندك ملابس ماتحتاجينها عطيها اللي يحتاجها
ودامك فكرتي بالصدقة بإذن الله تكتب لك حتى لو ماتصدقتي
الله يرزقنا ويرزقك من فضله

تصدقي عن طريق رسائل الجوال
..خدمة التبرعات لجمعيات تحفيظ القرآن الكريم في المملكة على الرقم الموحد 5051
للتبرع بعشره ريال ارسلي رساله فارغه لـ5051
الله يوفقك لما يحب و يرضى :26:

تبسمك في وجه اخيك صدقه والكلمه الطيبه صدقه

اتصدقي على نفسك فكري بمستقبلك