ودي اتقابل معه فيس ان فيس ويصارحني وش يبي من شعري !!

السلام عليكم ورحمه الله
قصتي باختصار عانيت من زمان من تساقط الشعر والحمد لله وفقني الله ورحت عند دكتوره وعطتن نظام وشغلات امشي عليها وضبط شعري وارتحت وصرت اترك شغلاتها بالتدريج لين صرت معاد استخدمها لان شعري صار الحمد لله مايحتاح ..
من 3 شهور جتني ظروف صحيه ونفسيه بدا تساقط يرجع لي بس بقوه يعني تجيني حراره وحكه في فروه راسي وحبوب صغيره مقلقه اذا حكيتها طاح الشعر مع العلم عندي قشره بس بسيطه ومع الوقت صارت الفروه بدت توضح الظروف الحمد لله راحت بس التساقط والعله باقيه رحت احلل قالو هرمون الحليب مرتفع واصل 1700 طيب الهرمون ذا ماعرف الا شعري كل اعراضه ميب عندي دورتي منتظمه الحمد لله ونفسيتي زينه انا مو متزوجه مافيني اكتئاب مافي الم او ثقل في الصدر ماعندي زياده في نمو شعر الوجه وراثه طيب انا ولدت وشعري كثيف يوم وصل عمري 29 توه يذكرني ويحت شعري ياااااا الهي الله يرحم شيبانك وش تبي مني وش سويت لك ؟؟؟؟
مدري وش اسوي ذبحت نفسي بالفيتامينات مع ان تحاليلي تقول اني مكتفيه والدكتوره مقابلتها الاسبوع الجاي واكيد ان شا الله بتحولني ع الجلديه وعبال مايوصلني الموعد قد راح شعري وش اسوي انا احس ان البلا في الفروه بس مدري وش بالتحديد شعري مختلط دهني وجاف ان حطيت زيوت صار يصب دهون وان تركته جفففف لازم ترطيب ودي استغفر الله والله لا يحدني احلق صفر عشان انقع الفروه في ديتول واشوف وش العله ..
واذا صدق كل هالبلا من الهرمون في النت الحريم يشتكون من حبوب الهرمون يقولون تلوع الكبد واستفراغ وحاله لو كانت كذا مستحيل استخدمها ان شا الله يوم تعاففيت من حالتي الاولى ارجع اطيح مره ثانيه لاا الله لا يحدني ..
اللي تعرف لحالتي تساعدني جتني حاله نفسيه من هالشي واللي جربت خلطات للهرمون او مباشره ع الشعر تسعفني والله لأشترك لها بسهم في كفاله يتيم غير الدعاء .
اذا بتقولون ارقي هذاني حاطه جدول ونظام للرقيه
واذا ع التغذيه ايه وزني نازل لاني ماسمن اصلا وزني في الاربعينات واخر حد لي 50 بس اكلي من يومي كله شبه صحي ماكل من مطاعم اموت في السلطات والفووكه والعصيرات والحين رجعت ازيد واعدل في نظام اكلي عشان هالشوشه تتعدل بس باقي احس البلا في الفروه معقوله هالهرمون في فتره وجيزه يحت الشعر حت ؟؟؟؟؟؟؟