ودي احس بفرحه زواج اخوي بس فيه غصه

انا قبل وقلت لكم ان اخوي تعرف على ناس بمكه تعرف على اخوها وهم نفس قبيلتنا بس من فخذ ثاني لانعرفهم ولايعرفونا المهم جلس فتره متعرف عليهم بعدها سبحان الله اخت صديقه تعينت بنفس منطقتنا يعني ثمان ميه كيلو عن مكه جاء معهم اخوي فتره اسبوعين دلهم على المكان ييقول ماشفتها بعدين تعرف اخوي الثاني اصغر منه عليهم وصارو يعرفونا بعدها قال روحي لها ادي واجب الضيافه رحت بقهوتي وحلاي وتعرفت عليها البنت طيبه حبوبه لاهي جميله مره ولا شينه يعني حليوه بس هو احلى منها المهم جاء بباله يخطبها كلم اخوها قاله هي مطلقه بعد فتره قصيره لان زوجها كان يشرب ويضربها نسى الموضوع بعده بفتره قعد يشاورنا اخذها ولالا هم ناس طيبين وكذا كل الي حولنا قالو دام طيبه ماعليك خذها امي قالت انا حبيتها وانا ماشفتها المهم كلمني قلت ماعليها مو مره ولاشينه ويكفيك طيبه وفاهمه وبعدها اخوي الصغير قالي هو شافها كيف شافها انه اخوها الكبير قال صرف اخوي الصغير ورح شفها اذا اعجبتك خلاص واخذ اخوي الصغير اخوها وراح هو شافها بعدها اخذ فتره شكله يفكر بعدها قال خلاص انا كلمت اخوها وكلم اخوي الكبير اخوها ووافقو بس مشكلته مستعجل مره بالزواج يقول ابي اخوي يوضفني عنده لان اخوي ماسك اماره قريه قريبه منا وقاله وضيفتك عندي وبكذا يكون عندها قريب من دومها ويسكنون عند اهلي س انا مو فرحانه لان هو يقول هي مو مره حلوه انا احلى هاوشته قلت بالعكس ماعليها ويكفيك اخلاقها طيبه قال هذا المعجبني ان هي طيبه ابيها مع امي وزعلت قلت حرام عليك تقول عنها كذا قال عادي انا رجال واوسوس هو حلل الحين وهي حللت بعد وقال الزواج بعد خميسين انا قلت ماني حاضره لاني احس ماحمسني يقول عايلي وانا بعيد بالرياض وعندي بنت تدرس واليوم دق اخوي الكبير يقول انتي شكلها ماعجبتك يمكن حقت مشاكل قلت لابالعكس ماعليها البنت قال اشوفك تقولين ماني حاضره قلت انا ابيه يحط عرس ويحاول يكون باجازه لان خميس وجمعه بعيد علي قال لابتحضرين ان شالله قلت طيب لان انا اختهم الشقيقه الوحيده انتو لو كنتو مكاني وش موقفكم من زواج كذا انا مو حاسه بفرحه احس كنه زواج مصلحه علشان يكون معها لان اخوي الصغير يقول هي تكلمه وتبكي تقول ماحد راضي يجي معي من اخواني بترك التدريس واحس هو بعد مو مهتم يقول زواج والسلام وانا مابي كذا اخاف يضلم البنت بعد