ودي احمل بس خايفه !

بنات انا متزوجه لي قرابة الاربع شهور وبخامس يوم من "آخر دوره جتني قبل الزواج" بديت آخذ حبوب منع الحمل لأني مو متهيأه نفسيا ولا ابي احمل اصلاً ، ومحد يدري عني حتى امي وخواتي مايدرون آخذها بالسر .. انا انسانه اخاف اخاف اخاااف بشكل ماتتخيلونه والله لو بس افكر بالحمل والولاده اقعد ابكي زي البزر من كثر ماسمعت من مصايب والآم احس مستحيل أقدر اتحملها انا .. امي وخالاتي وزوجي وامه وخواته وجدتي كل مره اجيهم يسألوني : هاه ماحملتي؟! وانا اقول الله كريم ، الله يرزقنا ،.. مايدرون اني ابلع من هالحبوب كل يوم ، وزوجي يمممموت فالاطفال يقول والله لو يجيني بيبي لأدلعه واقطع خدوده ومن هالكلام وكل مره تجيني الدوره يزعل وينفس .. واقول له علمني وش بيديني انا وامثل دور الحزينه ، يرجع يبتسم ويسولف > ادري بتقولون كذابه وحقيره بس والله يابنات من الهم اللي انا شايلته والخوف اللي بقلبي وانا خلقه خلقه ما احب المستشفيات وطاريها اخاااااااااااااااااف والله اخااااااف وما اتحمل الآلام