ودي اخطب لزوجي بنت عمتي الارمله .. تعالو شورو علي ..

السلام عليكم ورحمة الله
مرحبا صبايا وحريم
اول مشاركه لي

ابصراحه ترددت كثير قبل مااكتب موضوعي
لكن بالاخير اقتنعت وقلت اشاوركم بسالفه تدور براسي من فترة
...

انا متزوجه من 10 سنوات وعندي 3 بنات الله يخليهم لي
عمري 29 وزوجي عمره 35
حياتي ماشيه عاديه مثل هالعالم
مره هدوء ومره مشاكل
لكن اقدر اقول مستقرين نوعا ما

المهم
زوجي انسان ملتزم ويخاف الله ويراعيني بما يرضي الله
لكن له فترة يلمح ويتكلم عن الزواج من وحده ثانيه
مره كلامه يكون مزح ومرات احسه جاد
لكن الي مانعه اني مو راضيه
يعني الموضوع متوقف علي رضاي

المهم
انا افكر اخطب له بنفسي من مبدأ الي تعرفه احسن من الي تجهله
والي افكر فيها من بنات جماعتي وتقرب لي مره
من بنات عمتي
وهي عمرها تقريبا 25 ومتوسطه الشكل واللون مافيها شي زود عني عاديه جدا
كانت متزوجه وزوجها مات قبل كم شهر
وزوجها المرحوم يقرب لزوجي
وهي بعد تقرب لزوجي البنت هذي

المهم انا متردده حيل
مرات اقول اخليه يخطب ذي الي نعرفها ازين
ومرات اقول لا يمكن تصير مشاكل بالمستقبل
خصوصا انو علاقتنا فيها رحم
واخاف المشاكل تزيد بيننا

برغم انها ملتزمه بعد هالبنت وامها الي هي عمتي اخت ابوي
بعد ملتزمه ومداومات علي القران والصيام

المهم ابي شوركم لاني محتاره صدق
ومابعد فاتحت زوجي بالسالفه ذي

وشرايكم امانه يابنات

.........