عواطف تركي . :

حاشاك مانتي غبيه لكن مو شرط انك تفهمينه وتعرفينه لان ربما انتي في مرحلتك الحاليه غير مناسب لك هذا الشي وربما مستقبلاً يتسهل لك الحلو انك مو جالسه تخوضين وتصدحين برأيك وانتي مو فاهمه مثل البعض بس يرددون ماتم تلقينهم اياه واحنا ندري انهم جالسين يهبدون وكلامهم وفهمهم غلط في غلط واحنا ماخذين وضعية ساكته ومتحمله 😁 على طاري عدم الفهم اتذكر من سنتين او اكثر كنت اقرأ في حساب صلاح الراشد ووحده ثانيه ماني متأكده وش اسمها بالضبط المهم اني كنت اقرأ ومن ضمن الحاجات اللي كنت ابحث عنها الابعاد الكونيه وكل مره اقرأ عندهم واشوف تعليقات متابعين صلاح احس انهم عايشين في كوكب ثاني واحس نفسي ماني فاهمه ولا شي ولا اعرف وش يقولون حتى مصطلحاتهم غريبه رغم اني اعرف صلاح الراشد من زمان ومتابعه له مقاطعه القديمه لكن بتويتر هذاك الوقت عجزت استوعبه وتركته فترة يمكن شهور او سنه واكثر الى ان جات سالفة الكورونا ومدري وش اللي رجعني لحسابه المهم اني صرت افهم كلامه لان خلال الفترة اللي بعدت عن حسابه لقيت نفسي سمعت وقرأت لناس آخرين فهمت منهم الاشياء اللي كانت غامضه علي ويوم جات الكورونا لقيت نفسي وصلت مرحلة اني افهم وش يقول صلاح الراشد والحين متابعته مره ثانيه هههههه اللي ابي اوصله انه في البدايه يمكن انا ما كان يناسب مرحلتي وفهمي ووعيي العلم اللي عند صلاح بهذاك الوقت ولما رحت تعلمت من آخرين وصلت لنقطة إلتقاء معاه وفعلياً ترى صلاح سابق الناس بمراحل في الوعي وعنده قدرة على تحليل واستقراء الاحداث ويحذر ويرشد الناس باللي فهمه ويتخذ خطوة واقعيه استباقيه لنفسه عشان كذا هو خارج البلد ويقدر يسافر ويتنقل بكل حريه رغم القيود اللي كلنا نعرفها الا انه نجى بنفسه آمين ويسعد قلبك يارب ويجبر خاطرك ❤️❤️

حاشاك مانتي غبيه لكن مو شرط انك تفهمينه وتعرفينه لان ربما انتي في مرحلتك الحاليه غير مناسب لك...

أحاسيس مرهفة... :

السلام عليكم والرحمة وياصباح ومساء الخير والسعادة 🌹🌹 سؤالك ظريف وصياغتك للموضوع ظريفة ابتسمت وأنا أقرأ كلامك دمك خفيف الله يسعدك 😄😄🌹 الطاقة ماهي علم مثل الرياضيات أو النحو والكيمياء تخصصات دراسية وعملية تُدرس في المدارس والجامعات هيا نظريات ومعلومات وبحر غزيير انتِ تأخذي منه مايناسبك وتتركي مالايناسبك بالذات لو سمعتي مقاطع من غير مسلمين اعرفي الفرق بين مايستحق ان تحفظيه وتفهميه وبين مايستوجب منكِ التجاهل لأنه يخالف دينك ومبادئك أنا اسمع واتابع أحياناً مقاطع من قناة سيدة بحرينية اسمها علياء المؤيد تعجبني أنها ماشاء الله عليها عندها علم وإنسانة جداً هادئة ومحترمة وتبسط المعلومة وتعطي من قلبها وقناتها متنوعة بين معلومات عن التغذية ومعلومات عن علم النفس وأيضاً تتكلم عن الطاقة وأحياناً تنظم رحلات نسائية لأماكن مثل تركيا وتساعد السيدات على رحلات التشافي وفيه موقف ذكرته يشبه الجدل الحاصل بهذا الموضوع صار بأحد رحلاتها وحدة من السيدات بعد يومين على مااتذكر انسحبت من الرحلة وسافرت بدون أن تودع أحد أو تعطي خبر برغبة السفر وترك البرنامج وبعدها تواصلت معها صاحبة البرنامج الأستاذة علياء وقالت لها: انتِ في برامجك تنشري معتقدات كذا وكذا لأن الأستاذة علياء تأخذهم لأماكن مفتوحة وتسوي مثل رياضات اليوغا أو التشافي من الذكريات ومثل هذه التمارين قالت علياء في الفيديو نفسه هذا من الاسقاطات لأن الاتهام اللي اتهمتها به جمعت شيئين مختلفين تماماً وكل منهم له خط منفصل ومتفرع عن الآخر بشيء واحد وعن تقبل وعدم تقبل هذه التمارين وهذه المصطلحات طبيعي الناس يختلفون في درجة تقبلهم وتفسيرهم للأمور وهذا لايعني أن هذا خطأ أو صواب كل من له وجهة نظره فيه ناس للآن تشوف رياضة اليوغا كمثال أنها خطأ وترجع أصلها للديانة والمعتقد الفلاني بينما الحقيقة أن اليوغا فقط تساعد على تمدد العضلات وتفكك الجسم ودائماً وقت اليوغا في النادي الرياضي وقت محبوب ومفضل للجميع وبالذات السيدات الكبيرات في السن اللي مايقدرون على التمارين القاسية وأغلبهم سيدات بسيطات طيبات مالهم أي دخل ولا اهتمام بالتفسيرات والعقد اللي تُقال وتنشر عن أصول اليوغا... يكفي السعادة والابتسامة والروح العالية بعد انتهاء رياضة اليوغا اسمع أحياناً للدكتور صلاح الراشد كنت زمان وليا فترة عنه وإيمان بنت سعود سمعت منها كم مرة

السلام عليكم والرحمة وياصباح ومساء الخير والسعادة 🌹🌹 سؤالك ظريف وصياغتك للموضوع ظريفة ابتسمت...

🇸🇦السعوديه🇸🇦 :

لما نزلت أم يزيد موضوعها الثقب الأسود شدني الموضوع جدًااااا.. ويحثت وقرأت عنه كثير.. وكنت مره أقرأ عنه وأنا في المدرسه وناقشت فيه الوكيله لأني سألتها سؤال عارض.. تفاجئت بكم المعلومات الي عندها حول هذا الموضوع.. جلست تسردلي أشياء كثيييره حول هذا الموضوع.. وبسطتها لي لأن الموضوع جديد جدا علي.. طبعًا أنا مستحيل أكون رايي على طول ..لكن سألتها كم لك تقرأين حول هذا الموضوع قالت أكثر من ثلاث سنوات.. قلت طيب وش رايك إنت مؤمنه بهذي النظريات.. قالت مهو شرط أصدقها ولا أؤمن فيها بس لازم نفهم وش يدور حولنا ووش الناس يتكلمون فيه عشان نعرف ناخذ ونعطي معهم يايقنعونا يانقنعهم.. استنتجت إنها مهي مؤمنه بهذي النظريه لكنها فاهمتهااا وفاهمه فلسفتهم حولها وكل أدلتهم وكل براهينهم حولها.. والصدق أعجبني منطقها جدًا. حنا في عالم مفتوح .. عالم صغير حتى وإن كان جغراقيًا كبير.. ماينفع ننغلق على أنفسنا ونحارب أي فكره أو راي أو شي جديد نسمعه لأول مره دون مانفهمه ونستوعبه.. ثم نبدا نناقش حوله ونفهم ونُفهِم. شكرا عواطف من القلب❤❤

لما نزلت أم يزيد موضوعها الثقب الأسود شدني الموضوع جدًااااا.. ويحثت وقرأت عنه كثير.. وكنت مره...

عبيرهه المده ٢ :

لما أرى مثلك بالتصفيق للباطل بإسم تقبل الرأي والرأي الأخر حقيقة اللي مثلك هم اللي يودونا بداهية

لما أرى مثلك بالتصفيق للباطل بإسم تقبل الرأي والرأي الأخر حقيقة اللي مثلك هم اللي يودونا...