ودي ارقي وخايفة

السلام عليكم حبوبات


انا احس دايم بصداع وخفقان...وجمعت كل طرق الرقية...بس إذا جاء وقت الجد خفت...:(

انا قريت يالمنتدى هنا وبمنتديات ثانية وسمعت من اللي حولي ..قصص وقت الرقية

ماشاءالله عليهم شلون مايقاومون ويستمرون ولا يخافون

انا والله خوافة جدا...:huh:

هم مايخافون يتكلمون عن الجن والشياطين عاادي ..بس انا من اسمع طرياة انتفض من الخوف..عاد مهوب انتفض صدق..بس اخاف..ومعاد انام الليل واشغل اللمبة اللي في السيب عشان يجي الغرفة نورها..

يعني وحدة تقول إذا رقيت تجيني حيوانات واشياء تخوف

واللي ينفض رجلها


واللي يسحب بطانيتها

واللي يناديها بأسمها في البيت


واللي يسكر في الابواب والشبابيك..

والله انا مااتحمل هالاشياء غصب عني...
والله لو اشوف الباب يتسكر وينفتح ابنهبل

ودي اني زيهم وزيكم ماشاءالله مااخاف...والله اني دعيت ربي يبعد عني الخوف...بس مابعد ربي اراد :(
غرت منكم وتحمست اسوي زيكم وحملت الرقية من عدة رقاة...وطبعت من النت رقيات كثيرة...بس وقت الجد اخاف..

قريت البقرة كم يوم ووقفت...قريت الفاتحة كم يوم ووقفت...انا ماابغى رقية وقت النوم...لاني وقت النوم اخاف من الظلام
تعرفون في الليل تشتغل الاوهام والوساوس

مافية رقية تشفي بدون ماتعرض للاصوات والاحلام والاشياء اللي تخوف

تحملوني..شجعوني وساعدوني..جزاكم الله خير وشفانا الله وشفاكم