ودي اسمع لو كلمة حلوة

والله يا بنات مدري من وين ابدأ انا نفسيتي مرة تعبانه :44: تخيلو انا من يوم ولدت ولدي صارلي الحين 8 شهور ماسمعت فيها كلمة حلوة من زوجي احس انه مرة تغير علي يعني ايام الملكة كان حتى وهو متنكد ينبسط لا شافني وده اليوم قبل بكرة زواجنا ويوم اتزوجنا بداية حياتنا كانت مافي مثلها خصوصا انه زوجي شخص متفاهم مرة :27: لدرجة انه يدق على من الدوام وده يجي بأسرع وقت ويوم حملت كان مراعيني اكثر واكثر :13: بس من بداية حملي الدكتورة منعت العلاقة............ انتو فاهمين ومن يوم خلصت الاربعين دايما اتزينله والبسله والمشكلة يخليني وينام :06: انا مهب هامني ها الموضوع المشكله اني لاحضنته احس انه مايتفاعل معي ولاحتى يحاول ينظرلي :( ويوم اسأله وش فيك متغير يقولي انتي تخرفين وماعندك سالفة :o والله يابنات مشتهيه مرة يقولي ياحبيبتي ولا ياقلبي ..... مثل الاول بتقولولي هذا بداية الزواج بقولكم بالرغم ان حنا تزوجنا بظروف صعبة يعني لازفة ولا طبله تخيلو قبل اسبوع رحت وشريت عطري ايام الملكة لكن لا حياة لمن تنادي المشكلة اني ما ابين وش داخلي بس انا انثى عندي احساس ولا ........ ارجوكم اللي عندها حل تساعدني ....وسلامتكم