ودي اسوي اي شيء بس والله مااقدر غير الدعاء موقف عورلي قلبي

السلام عليكم ورحمة الله وبركاته،،،،

يمكن اتقولون شو فيها الماسة زوجها المفرفشة واللي دوم روحها رياضية ضعيفة وقلبها ايعورها ليييييييش

بنات البارحة صارلي موقف عورلي قلبي والله معنه انا متأخرة في الحمل والدورة تنزل عندي وعمري مااتضايقت ولا بكيت كنت اموكله امري لرب العالمين بس البارحة قلبي عورني على زوجي وعلى حاله فديته والله :arb: الله يحفظه يارب ويشفيه

أنا سرت العيادة عسب آخذ الوصفة مالت الدوا لزوجي وهو مستعيل بس مايقدر ايسيير معاي لأنه دوام لين الليل ومايبا ايضيع الوقت قتله انا بسير مب مشكلة وسرت وعطتني الدكتورة ادوية للزوجة والضعف من فيتامينات ومنشطات ودوا مذاب للبلغم عسب ايذيب اللزوجه وكلوميد اتخيلوا انا هالشهر حاطة في بالي آخذ كلوميد بس الله ماراد اني آخذه لا

زوجي اللا وصفوله كلوميد قلبي عورني والله وبعدين كان عندي مشوار للخياط عسب عرس اختي يعني البارحة ماارتحت من الدوام للعيادة وبعدين الخياط واتأخرت لين 9.00 بالليل وكل اشوي زوجي يتصل في يبا ايعرف شو قالت الدكتورة اقوله يوم برد البيت

وهو خلص دوامه ورد البيت قبلي ويوم وصلت البيت قالي شكلج تعبانة سيري ارتاحي في الغرفة انا بييبلج العشا حرام تعبتب اليوم صدق ماكان لي نفس لشيء وانا راده الغرفة تميت ابكي بحرقة ان هو ايحاتي الموضوع ويبا ايسوي ايشيء عسب ايعالج عمره وانا مااقدر اسويله شيء غير اني ادعيله دوم وحتى والله في الحج كنت ادعيله وإن شاء الله الله بيستجيب لدعائي وكنت اقول انا باخذ كل هاي الادوية بتحمل بس قلبي ايعورني انه هو ياخذ كل هاي الادوية

والمسكين يا ويابلي العشاء وتميت ماسكة عمري مابينتله وقالي شو ماخذتلي كنت شاريتله هدية نعال واستانس وايد مثل الاطفال ايقولي اول مرة حد يشتريلي هدية نعال وعيبه وتميت ماسكة عمري

والله اكتبلكم وعيني تدمع بس ماسكة عمري لأني في الدوام:(


وايقولي

يللا خلينا بالمهم ونبا انعرف موضوع الادوية وتميم اشرحله ويوم وصلت صوب الكلوميد تم يضحك وضحكني معاه والله ايقول كلوميد للحرمة كيف للرجل قتله هذا منشط وزين وتمينا نضحك

بس والله نويت هذا الشهر اوقف معاه وادعيله من قلبي واكثر الاستغفار لأنه والله يستاهل كل خير والله يشفيه يارب