ودي اشتكي جارنا بس مادري عند الهيئه والا الشرطه ؟؟

السلام عليكم

زي ما انا كاتبه ودي اشتكي جارنا بس مو عارفه القوانين وعند مين اشتكيه؟
هل اشتكي عند الشرطه او الهيئه؟ والا اي جهه؟

وبنفس الوقت مستحيه وماودي بس هو جبرنا حسبي الله ونعم الوكيل

جارنا هذا ساكن فوق واحنا تحت مسوي ازعاج الله لا يوريكم كل الليل يطق وصوت دريل ومطرقه كأنها على رأسك يوم يضرب فيها ونجارة وتكسير بلاط وكأن اللي فوقنا مصنع كلمناه مرة ومرتين وثلاث وبكل ذوق في البدايه ارتبك وانكر انه يطلع صوت وانقطع الصوت كم اسبوع ورجع شوي شوي لييين وصل حد لايطاق والمرة الثانيه قال انهم الاطفال ومدري ايش وانه بيحاول يخليهم يخفون شوي وسوينا نفسنا مقتنعين ومشينا الموضوع

ورجع اردى من اول :44:
تخيلوا مانقدر ننام واطفالنا عندهم مدارس وقومة صبح

وهو صابرين عليه اكثر من سنه لان اسمه جار والرسول علية الصلاة والسلام اوصى به
ومن عرفنا الدنيا واهلنا يعزون جيرانهم ويتحملون منهم
بس هو زودها احسه مو حاسب لنا حساب:mad:

وزوجي مستحي لايتكلمون الناس ان فلان شكى جارة


مع العلم ان احنا ساكنين قبله بفترة ومانقدر ننقل بيت ثاني لظروف المدارس وغيرها



انتم انصحوني وش اسوي؟

مع ان صار عندي فضووول اعرف هو وش يسوي خاصه بعد انكاره عرفت انه شيء مايبي احد يعرفه
ومرات اقول اخاف يسوي متفجرات او خمر :09:



لو انتي مكاني وصبرتي سنه ونص وماتعدل وش بتسوين؟