ودي اشكي بس محدن لي سمووع

بسم الله الراحمن الراحييم


والله ما ادري ويين ابدا لكن راح اقووول لكم نبذه عن حياتي كيف كنا وكيف صرنا


عشت طفولتي في عنف اسري ضرب تحطييم من امي اخواني ابوي معاملة السيئه من خواتي الكبار مو بس في البيت حتى يكون الضرب قدام صديقاتي وقريباتي واللي حوالي


كان مافي استقرار نفسي دائما خايفه ومرعوبه ما احس بالامان ومع ذلك كنت بريئه وقياديه وعندي قبول من الاطفال والناس


لما صرت في المراهقه عمري 13 سنه احنا اسره فقييييره نوع الما ابووي مديون وما عندنا بييت


جت وحده من معارف امي قالت في واحد من اثرياء الرياض جاء يخطب بنتك هو يبي وحده صغيره يعني طبعا هو


شايب وقالت انو مستعد يتزوج بنتك يشري لكم بيت ويسدد دين ابوها علما اني جمييله


المهم جت امي وقالت بنتي مالنا إلا ثم انتي اللي تقدرين تساعدينا وتضحيين علشاننا المهم اني وافقت


وقسم بالله لما شافني وعمري 13 سنه اني توي ما بالغت كنت طفله المهم هو قال مستحييل اتزوج بزر كان شكلي طفولي


مرت سنه واتصل على ابوي وقال خلاص ابيها تملكت طبعا مرت على الملكه سنه لما صار عمري 15 سنه تزوجته طبعا الفرق اللي بيننا 50 سنه > متصورين


المهم كل هذا علشان امي ابوي اخواني خواتي


شريت لهم بيت سدتت ديون ابوي بعدها قلت نبي سياره ماعندنا سياره تكفينا شراء جمس ما قصر زوجي الله يوفقه


طبعا ابوي تاركنا يعني ما يصرف علينا


قلت ابيك تمشي لـ امي مصروف شهري من زكاتك بعد معاناه وافق وشايف وضعنا ما نقدر نعش


واحنا بسم الله علينا كثار واختي معلقه زوجها تاركها وحطيت لها شقه منعزله عن البييت وعندها اطفال


زوجت اخواني وساعدتهم بالمهر انا وزوجي


من غيير ان واحد من اخواني اخذ الجمس بحكم ظرووفه وصارت سيارتي الخاصه لـ اهلي والسواق حق تحت متطلباتهم يوديهم مشاويرهم مدارس احيانا السواق يتأخر على عيالي علشانهم


واحد من اخواني ساكن بشقه من ظمن عمارة زوجي بدون ايجار


طبعا انتم عارفيين الوضع الحيين ما ابي اعييش اخواني اقل من غييرهم اعطيهم من الهدايا واحترمهم واقدرهم


كل شهر من مصروفي اشري لـ لاب توب > هذا الكلام قبل الجوالات


والحيين شريت خمس اجهزه آيفون 5 لخواني ولخواتي


وشريت لـ اختي سلسال الماس بقيمه 1500 وامي الذهب وشريت لها وشريت لها مجلس بقيمه 11000 الف


واسفرهم على حسابي


يعني دفنت الفقر اللي كنأ عايشيين فييه مع اني والله اني عايشه اقل من اهله وحريمه يقول يكفي علي حمل اهلك


وانا اسكت مابي اطلب اكثر علشان اهلي يهاوش واسكت اقل حقوقي ما اقدر اسويها علشان اهلي


وطبعا غييير اني اعييش صراع بييين مستوى اللي بيين اهله واهلي ما كنت اعرف شي بالاتكييت و و و وشوي شوي


صرت اتعلم من النت والكتب طورت نفسي وصرت اعلم اهلي واخواتي الاتكيت والرقي وكيف يكون تعاملنا مع الضيوف


وما نتكلم بهمجييه وعلمت خواتي البس والتنسيق و و واشياء كثيره


حتى لما حملت صرت اقراء بكتب التربيه واقوول ما ابي اخلي اولادي يعيشوون زي ما عشت انا


صار لي متزوجه تسع سنوات تدرون مته جبت سواق قبل سنه وكانو اخواني يذلوني اذا كنت ابي اروح لمشوار لسوق


او أي شي وكانت السياره سيارتي


قسم بالله لما كنت اروح للمدرسه وانا حامل وتعباانه يرفض يوديني ومع اني اعطييه 500 ريال بحكم انه وديمي ويجيبني والله اني اروح على رجليني


اذا تعبت اجلس شووي واكمل مشي



كنت عندهم واذا صارت ليلتي رحت و زوجي راعي سفريات وعنده اشغال


الشي اللي ابقووله لكم اني ما قصرت معهم


والشي اللي فاقدته منهم احترامهم لي تقدير لهم عكسي انا اللي احبهم واحترمهم


وصارت لي مواقف معهم ما اقدر انساها وما اقوولها لاحد جيت عندكم لانو الحمل صار ثقييل علي :(


اختي اللي اصغر مني تقولي اسكتي فشلتنا في مجلس حريم !! الحيين انا صرت افشلهم انا بعد ما شريت لها جهاز


لاب توب بعد ما عطيتها سلسال الماس بعد شريت لها جوال بعد ما علمتها الاتكيت الحيين صرت افشلها


اخوي لما جاء خاالي وكنت ابسلم علييه والكل مجتمع طردني يقول انقلعي الحين يجون عيالك ويزعجوننا وانا وزوجي دفعت


نص مهره واخذ سيارتي > وكذا يعاملني !!!


يطردني كذا فشلني لييش كذا


ووامي اللي سويت لها كل شي وكل ما طلعت من الاربعين اجيب لها هديه غرفة نوم طقم ذهب كل شي


لما ولدت قبل كم شهر ما نفستني ولا شافنتي اول ما طلعت من المستشفى قالت ابسافر اوسع صدري وقلت لها


يمااه من يجلس عندي قالت خواتي طبعا خواتي اصغر مني ولا يعرفن شي ومايعرفن يطبخن وما عندهن خبره كنت


معتمده على امي بكل شي وجلست اسبوعين حتى قرايبنا استغربوا قالوا كييف تترركيين بنت بنفاس


ولما جت بنت اخوي اخووي مسافر وتارك بنته عندنا لها سنه !! تقول هذي امانه عندي طيب وانا والله يا بنات صح


عندي خبره بالاطفال بس موب بالمواليد كان يجيها مغص وانا ما ادري وش فيها كانت بس تصيح كأني والده بيتي والله


ما اكذب والله ما اقول عليه شهد


ما جلست عندي ولا ناظرتي وتعرفون الوحده بالنفاس يجها ضيقة صدر وخواتي لما سافرت امي ما جلسن عندي


ويجتمعن بالغرفه الثانيه ويتقهون وما علهن من


غيير الشي اللي مضيق صددري منجد والله اعاني محد يسمع لي اذا جت اسوالف يا يقطون كلامي يا قمون من


المكان انا اذا كنت عندهم بس ديكووور امي بحياتها ما سمعت لي سالفه ودي اسوالف معها خواتي ودي اجلس معهم


اسوالف مافي وحده منهن تسكتني تقول خلاص مابي اسمع وتقوم واختي الثانيه تجلس تتأفف يبوني بس انا اسمع


سواليفهم وحكيهم


وكل هذيقول عني بس اتكلم !!!


الحيين لا تمادوو صارو ياحسبوني على تصرفاتي اللي اسويهاا


ماحد يجي يسوالف معي إلا بمعانتهم علشان اعطييهم


وهذي اختي المعلقه هي وعياليها ساكنه بيتي وشقه منعزله وعطيتها عطيه هديه وتشيش امي علي ودائما مسببه


مشاكل نفسيه احيانا تقول كلمه بس وتنكد علي بقهوتي


فوق هذا كله ما اقدر اقوول لزوجي شي ما اقدر اسبهم عنده


حتى هو معاملته معي موب ذاك الزود والله اني صابره علييه علشان عيالي وعلشان اهلي


هذي مجرد فضفضه لكم لا اكثر والله انا ما اذل اهلي اني اعطيهم وكذا بس ابي معامله زينه ابي كلمه حلوه منهم