ودي اصير أم...ادعولي امانه يا بنات

السلام عليكم ورحمه الله وبركاته

يابنات انا مثلي مثل معظم البنات اللي بهالقسم اللي يحاولون ويحاولون عشان رب العالمين يرزقهم بالذريه الصالحه ويارب ان الله يمن علينا بعطفه ويرزقنا كلنا يارب

انا ما ابي اطول عليكم...لي 3 سنوات متزوجه وانا اصلا من يوم اني بنت كنت اعاني من تأخر الدوره وكانت متلخبطه بس ما اهتميت ولا رحت اعالج كنت احسبه شي عادي وكان العكس..:(

المهم بعد زواجي بكم شهر بديت اتعالج وفي البدايه اخذت كلوميد فتره بسيطه بعدين قطت وظليت مده طويله بعدين ابر مع كلوميد وبدون فايده ثم جربت الكلوفاج وسبب لي مشاكل لوعه وترجيع الله يعزكم وماقدرت استحمله ...لما شافني الدكتور انها قويه علي صرف لي افانديا....واستمريت عليها تقريبا سنه والحمد لله نظمت الدوره شوي ..وبعد ما خلصت الكورس ظليت شهرين اوكي وبعدين رجعت تعتفس الدوره..المهم مااطول عليكم..اخر شي رحت عند دكتوره قالت بتعطيني ابره البيرجونال بس قبل لازم اسوي ابره زيت وهي صبغه يحطونها بالرحم عشان يصورون الانابيب ويتاكدون انها سليمه ومش مسدوده

وعملت ابره الزيت اللي موتتني الا شوي ..ومن ثاني يوم نزل علي دم مع ان الدوره ماصار لها اسبوع رايحه...وظلت معي تقريبا للحين وراح اكمل 20 يوم وهي مش حيض لا كان بالبدايه حيض اول يوم بس بعدين صار غامق بني وفتح شوي شوي

والله مب عارفه وش اسوي احترت مع هالدكاتره:44::06:

اتمنى ما اكون طولت عليكم بس حسيت ان في ناس هنا تسمع وترد وفي قلوب طيبه للحين تساعد

اللي عندها خبره وتقدر تنفعي الله يجزيها الف خير

ولا تنسوني بدعائكم يا بنات والله اني محتاجته ....:44: