ودي اصير اتغلى عليه , قبل لايروح كل غلاي !!

السلام عليكم
حبيباتي الحوائيات .. ان شالله يارب تنحل كل مشاكلكم
النفسية والعضوية
وتصيرون احسن ناس بالعالم
وانا وكل المسلمات يارب
:27:

عاد اوحو مشكلتي , واللي قد مرت في نفس التجربة تقولي تكفون , او عندها حل لي
لاني بصراحه صرت احسني بزر
طبعا متزوجة من قترة وعندي بيبي واحد وتوني بفترة النفاس
الله يخلي لي ولكم يارب

انا زوجي صاير يقهرني ويشب كبدي مرررررررررررررررررررررررررره
وانا الصراحه شابه كبد نفسي بعد وودي اتغيـّر !!

بالنسبة للزوجي صار مايهتم للزعلي , مع اني موب زعول مره
ولاني من النوع اللي لاشلت بخاطري اصير ما ارد عليه ولا اتكلم عليه واخصره .. لازعلت زعلي يصير بعيوني وسكوتي !!
صاير هو لامنه شافني كذا يروح ويخليني
وهذا قاهرني !!
واللي قاهرني زود , اني صايره اتنازل وارجع انا واكلمة
وابين له اني مابيه يزعل

عجزت اتغلى
ودي اتعلم التغلي , واصير مارد عليه وارد فيه
بس اخاف تقوى الزعلة
!!!!!!!!!!!!!!!!!!!!
ياكثر ماقلت كلمة زعل في هالمشكله خخخخخخخخخخخخخخخخ

بقولكم اخر شي صار بيني وبينه اليوم
طبعا انا في فترة النفاس وعند اهلي
جا الصباح يزورني ويشوف ولده
ولقى اللاب توب
طبعا هو بزعمه جاي يشوفنا
قعد عند الايميل وتنح , للدرجة اني اتكلم عليه مايرد علي من كثر ماهو كان خاشع ... حسسته بالمره الاولى اني ماعجبني الوضع وترك اللاب توب وجا عندي , بعدين يوم بديت ارضع الولد رجع عنده ,, دخل علينا واحد من اخواني وهو متنح في الكمبيوتر للدرجة ان اخوي سألني .. ماعندكم نت في البيت !!!

المهم مزح على اخوي مزحه ويوم راح اخوي بان الزعل في عيوني كالعادة ,,
يوم شاف العبرة خنقتني , ويجي ويطلع ويخليني !!!!!!!!!!!!!!!!!!!!!!!!!!
انقهرت واسكت وقلت مانيب متصله عليه بشوف وش اخرتها
يوم شوي ويتصل قال بطلع البر , قلت على خير !! يوم شوي ويرسل رساله قالي بجي السبت
طبعا هو لا بيطلع ولا شي بس يبي ينرفزني ويلعب باعصابي
قمت انا اتصلت عليه وقلت له ادري انك منتب طالع ولا شي وانك تكذب وبتلعب باعصابي ,, قال طيب !!
قلت له وشوله كذا !! قال انتي ليش تعبطين علي كل ماجيت نكدتي علي !!!!!!!!!!
قلت يعني وشلون !!
قال يعني وخري بنام !!!!!!!!!!!!!!!

مافيه اي احساس احس من جد يقهر
وقبل شوي خلصت البامبرز حقت ولدي قمت ارسلت له رساله وقلت له انه خلص عشان يجيب !!
اتوقع انه بيجي المغرب , وش التصرف الصح اللي المفروض اني اسويه
مابيه الصراحه يركب راسي ,, بس اني ماقوى روحي الا منه زعل بتلت متنكده



شورو علي ياحبي لكم كلكم
الله يوفقكم