ودي اصير قوية

لاحبيبتي هذا حسن الخلق إللي أول ما يوضع في ميزان العبد يوم القيامه
هذا تواضع منك ومن تواضع لله رفعه..
صدقيني أنتي بهالأخلاق اللي تتعاملين بها لمن أساؤا لك ...وصبرك واحتساب ذلك عند الله تجدين أن الله ياثرك عليهم
بإذنه تعالى... ومع كل إساءه منهم رصيدك من الحسنات يزيد
حين يجرحونك وتسامحين لا ينقص من نظرتهم لك بل مع الايام طال الزمن أو قصر بيعرفون ويقدرونك وسترين ذلك..
أطلت عليك أخيتي ولكن طلعتي اللي في خاطري ومواقف مثلك وأكثر وأقوى مررت بها والحمد لله على كل حال..

صدقت اختي من زمان ..سلمت يمناها ..

..

والله يوفقك حبيبتي وييسر امورك وينصرك على من ظلمك ......

أختي العزيزه منتظره والامل بالله

الناس اللحين صاروا يتنافسون في
الحقد والبجاحه بصراحه ..

يعني تلقينهم مجتمعين في مجلس واحد وتلقين
وحده ولا ثنتين جالسات ولا سلموا على بعض من الناس..

صحيح ان الزم ماعليك كرامتك
بس شي صعب انك بتحقرينها ولا تسلمين
عليها وخصوصا انها مره كبيره ..

خليك أحسن منهــا بأخلاقك و روحك الطيبه
وصدقيني بيجي يوم وتعرف مدى طيبتك وبتندم
على أفعالــــــــــها ..

اهم شي لاتسعين لأنك تغيرين
من اخلاقك الحلوه ..

بالتوفيق عزيزتي

تسلمي يالغاليه
والله حتا انا فيني الطبع هذا في لحظه انسا اللي اسائلي وارجع اتكلم معه مو سذاجه مني بس ما اعرف اشيل بخاطري شي بس الحمدللله مرتاحه لان الشي هذا محبب الناس فيني الحمدلله

أنا أشهد إنك صادقه .. الناس ما تحشم إلا القوي وتعتبر له ألف حساب

أما المتسامح يسمونه اهبل وعبيط ويعطونه على راسه

قوة الشخصيه تبدأ من الصغر وليس بعد مرور سنوات من عمرك .. يعني الكل راح يستغرب ويقولون وش فيها أنهبلت !!! هذي كانت مثل القطوه الكل ياكل عشاها وش صار عليها ..

راح تجيك إنتقادات كثيره وعلامات إستفهام ..

مثلا عندك المثل اللي قلتيه .. هذي المرأه هل هي أمك ؟؟ خالتك ؟؟ عمتك ؟؟ جدتك ؟؟ أختك ؟؟

إذا كان الجواب لا .. اسمحي لي اقول : طزززززز فيها وفي معرفتها , يعني وش راح تكسبين منها ومن استحقارها لك

ولا شئ .. يعني انتي سويتي اللي عليك تواضعتي كذا مره ولم تجدي من ناحيتها قبول .. خلاص يا عمري وش تبين فيها ؟؟

لكن تصل بها الجرأه و والوقاحه لجرحي امام الناس !! إسمحي لي (( تستاهلين ما جاك )) لأنك سكتي لها من الأول .. عطيتها مجال للأستهزاء بك

ربي أعطاك لسان وشفتين .. ونعمه النطق .. ردي عليها رد خليها تضيع في وسط ملابسها وارسلي مع الرد ابتسامه تفقع مرارتها .. أعلم إننا لسنا في حرب .. لكنك فتحت المجال للغير بان يستهترو بك فتحملي طيبة قلبك الزائده

لا تقولين تزعل مني ومن ها الكلام الخايب

أنا مثلك أنكويت من الناس وعانيت مثلك , ضربت فيوزي وفار دمي .. قلت ما بدهاش يا عم

اللي يحترمني احترمه واشيله على راسي , واللي يعاملني بالعكس اعامله بالمثل .. صدقيني كثير نااس اعتدلت معي .. وهذي ليست بجاحه , بقدر ماهي إعطاء كل ذي حق حقه ..

آآآآآآآآآآآه بس رضا الناس غاية لا تدرك ..