ودي اعرف ليييه بسبوستي المحشيه دايم تفشل

نفس المشكله

صباحك عسل حبيبتي

راح اعطيك طريقتي فيها بس ما ابغى الا انك تدعينلي ان ربي يشرح صدري

تسوين بسبوستك اللي انتي معتمدتها بعدين تقسمين الخليط قسمين ::
القسم الاول تحطينه في الصينيه بعدين تحطين الحشوه

وتدخلينها الفرن من تحت

اذا استوت طلعيها وخليها تبرد شوي بعد كذا جيبي الخليط الباقي >>>اذا حسيتي انو مره ثقيل زيديه شوي مويه
وحطيه فوق البسوسه ودخليها الفرن من فوق لما تتحمر
وبالعااااااااااااافيه

السلام عليكم

هلا اختي خذي هالطريقه روووعه اتعب وانا اقول روووعه اتمنى تجربينها اليوم قبل بكره

صدقيني ماتندمين ان شاءالله كل من ذاقها لازم يعلق عليها والكثير ياخذون طريقتها

الله يذكرها بالخير صاحبة الطريقه

كاس سميد

نصف كاس سكر

كاس حليب سايل (يعني ماء مع ثلاث ملاعق حليب)

ثلاث ارباع الكاس زيت هو بالاصل كاس لكن انا اقلله اخف

بيضتين

ملعقة كبيره بكنج باودر

ذرة فانيليا

تخلط جميع المقادير ويوضع نصف الخليط في صينيه بايركس متوسطه وتدخل الفرن حتى تنضج

تخرج وتوضع الحشوه اللي تكونين مسويتها على ماتنضجالطبقه الاولى عباره عن :

كاس ماء + 5 ملاعق حليب + 3ملاعق نشا +ملعقتين سكر + ذرة فانيليا حسب الرغبه

تخلط وتوضع على النار حتى تثقل ثم تضاف اليها علبة قشطه وترفع عن النار ثم على الصينيه

ثم بقية الخليط توزعينه بالملعفقه شويشوي حتى تتغطى الحشوه تماما لو ثقل باقي الخليط

اضيفي له رشة ماء تخففه ثم تدخل الفرن على تحت حتى تنضج وتحمر من الاعلى ثم الشيره

بعد ماتخرج من الفرن وتقطع وتقدم وبالعافيه

جربيها وعطيني رايك امم لذيذه

اشتهيتها شكلي ابسويها بالفطور اليوم

حجابي عفافي

والله اني انا اللي اشتهيت اسويها

الله يشرح لك صدرك وييسر امرك

شوفي دخلي البسبوسة الفرن على ثلاث مرات ,يعني نصف اليسبوسة وحمريها من فوق وبعدين حطي الحشوة وحمريها من فوق وإذا تماسكت خرجيها وحطي الباقي من الخليط وحمريها من تحت وفوق ,وبكذا ما تتداخل الطبقات ,هي صح متعبة بس النتيجة بإذن الله مضمونة,دعواتك