والله محدثتك تحب البساطه وكل الي حولي مبالغين بششششكل مو طبيعي في التقديمات يعني سهره عاديه وتلاقينهم طالبين انواع واشكال بالهبل و شي اوووفر يعني حاولت اعيشهم جوي بس ماقدرت

والله مادري انا دايم اتكلف واتعب نفسي وماياكلون بس مااتوب

انا اشوف اكرام الضيف واااااااجب ولا له علاقه بسالفة تكلفين والا ماتكلفين،ةنا مااتكلم عن الاواني وطريقة التقديم كيف لازم تكون انا اتكلم عن الضيافه بحد ذاته،
انا صديقتي من برا المنطقه اللي انا فيها و جايه تدرس بالأحرى تكمل دراسه، وعزمتني بشقتها انا والله مو من النوع اللي يحب المفاخر بنعم الله، ولله الحمد..
المهم،الضيافه قسم بالله تفشل يعني صحن صغير فيه بزر حق ريال و صحن فيه قطعة تشيز كيك وحده وقهوه وشاي
بالمنطقه اللي انا فيه وبمفهومنا،هذا عييييييييييييييييب
يعني والله فيه ناس ماعندهم غير الغنم والابل، ولا جاهم الضيف اذبحوا له واكرموه....ماقالوا حنا على قد حالنا
وحتى اكون صريحه معك،تمر و كيك مااااااينقدم و لايحفظ ماء الوجه...بعيد عن"انهم ناس يحبون المظاهر"
لكن فيه فرق بين البساطه وبين البخل، البساطه ممكن تكون بالاواني ،باثاث البيت،باللبس...الخ
لكن ضيافة الضيف مافيها شي اسمه بساطه،فيها ان الضيف حقه يكرم...
الناس تستقبل الضيوف باللي يجمل الوجه...
وهي زياره وحده خليها صوره حلوه عنك...

دامك تقدري تقدمي ولا يثقل عليك ولا ناقصك فلوس
يستاهلون ضيفيهم ضيافه تليق فيهم ..
مو مهم المواعين وفخامتها اهم شي نظيفه ومرتبه ..
لكن قدمي حلا انواع بس مو بأسراف لا ..
لكن المعتدل وقدمي موالح
والقهوه والشاي والعصيرات
انا مثلك احب البساطه .. لان اعطي كلن مكانته ..
اللي اجيها وتقدم وتحط لي وتتفنن لي .. احط لها واقدم ..
واللي لا بسيطه مره وبينا كذا زياره وميانه مثل صديقتي خلاص متفاهمين ..
واللي تجيني اول مره .. او نادر جاياتها
قدم حق الضيافه لها بعتدال ..
اهم شي الاكل مايرمى ينوكل .. والباقي ينحفظ بثلاجه ونعطي منه الجيران . والعمال نفرحهم ونكسب اجرهم

شوفي دام جياتهم قليله مااشوف البساطه تواجه ,,
مثل ماقالو اللي قبلي مو شرط تشترين مواعين علشان جيتهم او تتكلفين في التقديم بس لااازم تنوعين وتكرمينهم,,
اذا هم يسوون بوفيات بيت وحلويات بيت وعندهم شغالات وبنات في البيت يساعدونهم فتلاقين هالشي سهل عليهم ويستمتعون فيه ,,
يعني انا في بيت اهلي عندنا شغاله واخواتي كثير ونتكلف اذا جانا ضيوف وتقديمات وبوفيه اكل كامل شغل بيت بس لان الظروف تساعد وانا واخواتي نتساعد وعندنا شغاله ونحب هالشي ,,
بس لما تزوجت ومافي شغاله واطفال صغار وكل شي على راسي انظف البيت من الى واهتم بريحته واعطر واخلي كل شي جاهز وبس اسوي الشاي والقهوه والحلويات والموالح كلها من برا لاني ماعندي وقت اطبخ يالله اخلص بيتي ونفسي وعيالي,,
ومو تمر وصنف ثاني ,,
لا تمر ومعمول وغريبه وعين جمل وبقلاوه وبسبوسه,,
اذا كان في عشا احط مع الشاي معجنات بسيطه واذا مافي لازم صحن موالح من ورق عنب وكبه وبيتزا,,


ودام زيارتهم قليله سويها وتكلفي شويه وارتاحي,,