بين الرموش @byn_alrmosh

عضوة

ودي افضفض لاني مليت وتعبت

السلام عليكم جميعاً ...

عندي مشكلة متعبتني واعاني منها كل يوم .
انا موظفة في قطاع حكومي بوظيفة سكرتيرة ، ومشكلتي اني اداوم كل يوم بس بدون ما يكون عندي شغل يعني تمر شهور طويلة بدون ما اسوي شي واحد مهم او حتى غير مهم .

حاولت اوجد لنفسي شغل بس فشلت لان القسم اللي اشتغل فيه كل عمله في المجال الفني وانا ادارية والشغل الاداري قليل جداً ، المهم انا طلبت نقل لقسم ثاني بس كل مرة يقولون لي لازم يكون في بديل يعني وحدة ثانية تقعد مكاني وساعتها ممكن انا انتقل ، وطبعا هالشي مو انا اللي اقدر اوفره .

الي يضايقني اني كل يوم اطلع من بيتنا واغيب عن اهلي 7 ساعات بدون فايدة ..... حتى مديري ما يكلفني باي عمل وكاني مش موجودة .

اكثر من مرة فكرت بالاستقالة بس اخاف اني احتاج للوظيفة باي وقت . وقدمت في وزارة ثانية بس ما حد رد علي .

ساعدوني يا اعضاء المنتدى هل استقيل ام اصبر على وضعي .

يلزم عليك تسجيل الدخول أولًا لكتابة تعليق.

تسجيل دخول

mooolaaa • 20 سنة

أختي بين الرموش والله ذكرتيني بحالتي انه حالتي من حالتك طول اليوم عندي شغل خمس دقايق بس والباقي فاضية ومليت ملل ومديري ما يكلفني بشغل وايد مجرد الرد على التليفون بس انه عندي نت بالدوام ومن الصبح الى الظهر مع عالم حواء واذا ما عندك نت انصحك تاخذين كتب تقرين او تجييبين لك قرآن وتقعدين تحفظين لك كم سورة ينفعونك في الآخرة وصدقيني راح اتحسين ان الوقت يركض وودك ايطول عشان تقدرين اتكملين حفظ السورة وانه قررت اني ابتدي بحفظ جزء عمه لاني مو حافظته كله اشرايك تبتدين معاي ومنها تقظين على الملل ومنها تكسيبن الاجر العظيم للآخرة

ام عبوودي • 20 سنة

انا بعد سكرتيره بس النت ماخذ كل وقتي ومسليني اييني شغل مرات بس اخلصه وارد على النت فحاولي انج تتسلين بشي مفيد بالكتي مثل ماقالت اموله ولا تحفظين القران او تفتحين الرادو تسمعين برامج الاسره وغيرها
احمدي ربج ماعندج شغل ماتدرين يمكن اذا انتقلتي تطيحين مكان كله مراجعين وشغل وعوار راس ما يمديج حتى تتريقين

ممكن تتسلين مع أي وحده من الموظفات او اخذيلك لاب توب وتسلي فيه
:26:

حبيبة أبوها • 20 سنة

مو انت لوحدك غاليتي

في هالوقت تنتشر البطاله المقنعه بشكل فضيع بس بصراحه انا اشوفها احسن من جلسة البيت واحسن من مهنة التدريس اللي كلها مشاكل وتعب وهم نفسي في المدرسه والبيت

اصبري عالوضيفه لانك اذا تركتيها تبي تتعبين من شبح البطاله والفراغ القاتل

الله يوفقك يالغاليه:27:

:26:

gقـفـــgا iiiــــgي • 20 سنة

اذا كانت وظيفتك فيها (((((( اخـــتــلاط )))))) بالرجال .. فانصحك بتقديم الاستقالة والبحث عن وظيفة اخرى تناسبك وتناسب مجالك وخصوصياتك كامرأة .

اخو هند • 20 سنة

السلام عليكم ورحمة الله وبركاتة

اختي الكريمة ...

شوفي خليني اقول لك شي كبير وخصوصا في القطاع الحكومي ..

اذا بغيت تشتغل انت الي تجيب الشغل لنفسك مو الشغل هو الي يجيلك يعني اذا انتي تبين تشتغلين انتي روحي دوري

علية صدقيني راح يكون فية شغل ...

خليني اقول لك اني انا مثلا اكثر احتكاكي مع موظفات واحس انهم مررررررة ما عندهم استعداد انهم يتعلمو اي شي

يعني من ابسط الاشياء مثلا في اعدادت الكمبيوتر الى البرمجة البسيطة

اهم شي يكون فية استعداد للتعلم يعني مثلا انتي لازم تسوين شي تثبتين لهم انك مميزة او لك اسلوب في الرد والادارة

والسكرتارية انا عندي اقتراح مثلا انك تتعلمي الاكسس الي يجي مع الاوفس حاولي تسوين فية قاعدة بيانات بجميع

الخطابات الي تجيكي وسوي مثلا طباعه وعرض واشياء كثيرة مررة حلوة وانتي في الاول والاخير انتي الي تستفيدي

وفية اشياء كثيرة لازم تعرفينها وشوي شوي راح تندممجي مع الشغل الجديد وتكتشفي اشياء كثيرة في موهبتك

أختي .. صدقيني لما توصلين لدرجة الاستمتاع في شي انتي رغبتي فية هذا هو الانطلاقة

وانا ما برزت في شغلي وصرت انسان مهم ( الحمدلله ) الا بعد ثلاث سنوات تعب

والله المستعان على كل حال

واصبري ولا تستقيلي ..