كيفك وش أخبارك أنا بشور عليك من واقع تجربه حبيبتي الزواج حياة جديده لازم نخوض فيه واحنا مقتنعين كل الاقتناع شعورك اللي تحسين فيه ويتسرب لك لازم تاخذينه بعين الاعتبار انا مجربه هالشعور وتزوجت ومالي ثمانيه اشهر ونصف وشعوري الاول زود علي هم ملتزم بس لازم يكون الضمير موجود وحي انصحك نصيحه لوجه الله طولي فترة الملكه قد ماتقدرين حتى تعرفينه زين وتطلع شخصيته الحقيقيه واستمري ع صلاة الاستخاره وبعدها حددي وفي الاول والاخير نصيبك بتاخذينه _الله ييسرلك كل خير واسأل الله مايخذلك خطيبك ـوانا تحت امرك باي استشاره مو لاني استشاريه لا ... بس نفس المعاناه ايام ملكتي بس تجاهلت هالشعور وانا الان كــــــــــــــــــــــــــــــــــــــــــــــــــــــــــــــــلي ندم .......

حبيبتي نا كنت زيك
بس كنت استخير كثير
لاني صعبه اوافق وبعدين ارفض
خفت تسير مشاكل بينا وقيل وقال
وكنت ماني مرتاحه واقول لو ماكان فيه خير ربي يصرفه عني بدون مشاكل واحراج
وبعد شهر ابوي فركشها قال ماني مرتاح .....

حبيبتي استخيري

حبيبتي عادة الرجال يجيبون احسن ما عندهم من اخلاق وتعامل وقت الخطبة وشهر العسل
والسنة الاولى من مجاملات واخلاق وهدايا...الخ...

ف خطيبك هذا اذا كان هالحين بهالجلافة والدفاشة فكيف لمن تصير بينكم ميانة
ويتطمن انك تزوجتيه وخايفة من الطلاق..و....و...

انا ما اقول لك تتركيه لالالالالالا
بس حاولي تتفاهمين معاه لمدة 6 او 8 شهور وتفهمينه زين ويبين طبعه معك
بعدة مناسبات وكيف يحل المشاكل الصغيرة وكيف يتصرف ماديا؟؟؟
ومن هالاشياء...

يعني يبغالك وقت على شان تفهمينه ثم تقررين صح......
واذا قالك شي غريب او غير مقنع لا تترددين تشاورين امك فيه؟؟
واتركي الكابرة بأنك تصورين خطيبك انه تمام وممتاز قدام أهلك وانتم ما بعد تزوجتوا
يعني كل اللي بينكم مجرد حكي بحكي بالهواء..
لا تلغين دور اهلك بكل شي حتى تتزوجين بعدين سوي فيها خصوصية..
ترى بدون المناقشة مع اهلك يشوفك ضعيفة وميتة عليه وتخافين يطير منك ويشوفه ضعف
مهو قوة حتى لو طلب انك ما تقولين على خلافاتكم لأهلك هذا شي يفيده هو ويضرك
دامك عالبر الآن...


والله يكتب لك الصالح..

ويرزق الباقيات..

حبيبتي انا مملكه من 5شهور ماشاءالله
الله لايوريك من ثاني اسبوع مكالمات تهاوشنا
وفيه كثير من صفات زوجك وكل شي ماله داعي مو مهم
وانا كنت اصارع واخابط الا ابي امشي كلمتي وهو بعد نفس خطيبك كان يقلي اذا جيتي عندي ماراح اخليك تاكلين الاندومي لأنه مايحبه وسوينا سالفه على هالموضوع
بس ياحبيبتي ترى هما كيذا يبون يفردون عضلاتهم علينا وكنت مثلك خلاص زهقت ومليت وماعاد طايقه اسمع صوته
بس والله مع الأيام حبيته وفهمنا بعض وانا مثلك جامعيه وهو ماخلص ثانوي بس مااحاول ابين قدامه اني فاهمه فكل شي تعرفين الرجال يبي يحس انه هو اللي يعلمك يعني تكلمي فالأشياء اللي تخص الحياه الزوجيه مثلا ثقافتك فئتمماك لزوجك تربية الأولاد كيذا ينمبسطو
وترا بقلك شي يوم جيت اكتب حسنات خطيبي وسيئاته ماشاءالله طلعت الحسنات اكثر خلاص وش ابي فوجع الراس
دامه محترم اهلي ومحترمني ليش عشان سوالف لاتودي ولاتجيب اسوي مشكله
والله اللي يشوف مصاب الناس تهون عليه مصيبته
على العموم انتي استخيري ووحده نصحتني انه اتحمله فوقت الخطوبه وحاضر وابشر ابن عمي هع
ولارحت عنده اعرف كيف اسنعه واخلي كلامي هوا اللي يمشي غصبن عنه<<واثقه الأخت
معليش طولت عليك
بالتوفيق