ودي اقطع صلتي فيها واخاف اني ظلمتها

طبعا لاتقولين كيس لان يعلم الله انها صار هالموقف طبعا ماهي صديقه عمر لا اخت دنيا الله يعلم اني احبها طبعا لها مواقف مااقدر انساها ولا بنساها واكتب وصدق ودي ان الله يدلني عشان كذا ودي اسمع آراء كثيره البنت ذي تحبني وتبديني على نفسها وصداقه عمر والتفريط فيها ابدا ماهو هين وصعب اني اجرحها ولو بشي بسيط قبل مده سويت عمليه بسيطه جدا اهلي ماكان ودي يدرون لأسباب خاصه فطلبت منهالان ضروري مرافق والله يابنات انك تقولين انها تبي تدفع فلوس وتخدمني وعادتها المعروف جات ورافقت معاي وخدمتني اكثر من خواتي مالكم بطويله مفترض اني اجلس يومين بس قال الدكتور اسبوع جاء زوجي الصباح عشان شويه أوراق وطلعت هيه من عندي راحت لرسبشن المختصر شافت زوجي طالع من عندي يشهد الله ان هاذي رده فعلها يوم شافته دخلت عليها ووجهها احمر مره وعيونها فيها دمع وحاطه يدينها على وجهها وهي تقولي الله ياخذك ياورده ياخذ العقل طبعا لاتجي وحده وتقول تستعرض بزوجك زوجك حلو لاوربي انه عادي يعني تنفجعين من رده فعلها انا الي وجعني وخلاني انقز وشبها وش قلبها قعدت تقول ياورده زوجك يهبل الله يقلعك اثاري ماعليك شرهه يومك تحبينه وانا اسلك لها مره مافيه مجال اجرحها راح اليوم وجاء الثاني وانا منبوش خاطري منها افكر ليه رده الفعل المبالغ فيها جات بنت تبيع عبايات وش سوت قامت اشترت عبايه منها كلها زخارف ماوقفنا هنا يوم فتحت الزياره غيرت عبايتها ولبست ذي المزركشه انا شفتها انصخف دماغي وتبدء شكوك وشبها لبستها وش تبغى بس قلت يابنت تعوذي من ابليس واحاول اقنع عمري ان الشيطان يبي يحزني جيت ابي اضبط شعري عشان زوجي بيجي قامت قالت لالا خليك منكوشه ماهي حلوه يشوفك قويه وانتي توك طالعه من عمليه خليه يرحمك مو زين بعدين يقسى عليك😳😳😳😳 انا هنا صدق جاء الشيطان هي لبست عبايه وتظبطت وانا تبغاني مقشعه كل هلمواقف وانا صدق في حاله انهيار داخلي وش خلاها تسوي كذا وبعدين ارجع اتذكر رده فعلها يوم شافته دق علي وهي تسمع قال جاي قلت لها زوجي جاي روحي للغرفة الثانيه وبكلمك اذا راح وش سوت راحت قعدت في الحمام الي بنفس الغرفه 🥺🥺🥺 هنا عرفت انها صدق تبي تراقبنا جاء زوجي ونقدني مره حلقي منتفخ احؤ فيها كوره من الضيق النفسي الي انا فيه والتفكير بس تعذرت اني تعبانه مالكم بطويله طلعت من المستشفى وجاتني البيت وجات بلهديه الغاليه والعنوه تسكتك ماتقدرين مره انك تفكرين تكسحينها كنا نطلع وتقول نتقابل براء مانبي البيت بعدين صارت تقول لا بجيك في بيتك وصارت تكثر زيارات في بيتي صارت تتحجج بلجارات واني حبيتهم وحبيت جو الجمعه عندك ناديني كل ماجتمعتوا انا بديت اقشعر منها ودي ابعدها عني صرت ابي اقطع علاقتي فيها صرت اخاف منها بديت اكرهها بس اقول يابنت لاتكونين ظلمتيها بعدين اتذكر كل شي ينتفخ بلعومي من كثر ماتشتت فكري مادري صدق وش اسوي فيها