ودي اقول لزوجي يجيب امه فترة الاربعين

السلام عليكم
كيف حالكم مع البرد ان شاءلله طيبين
بسألكم واشوف ردودكم بالله ولو انتو مكاني وش ممكن تتصرفون
انا باقيلي ان ربي سهل شهر واسبوع ان شاءلله واولد
وراح اولد عند امي بنفس ديرتي بحكم انه اول ولاده لي
طبعاً انا لي موضوع يمكن بعضكم قراه اللي هي مشكلة ام زوجي معي تعبتنا بقولها بالمختصر
زوجي كان متزوج وحده قبلي وكانت امه ممشكلتها << على كلامه هو وكلام الناس
وصلت المشاكل انها تفضح ولدها وتدعي عليه وضربت طليقته وسوت مشاكل "طبعاً انا كنت اقول يمكن لانه ولدها الوحيد تخاف انها تاخذه الحرمه منها او انها تغار منها او لانها ماهي هي اللي اختارتها ضرتها خطبتها لزوجي وماكانت منهم ولا تقرب لهم
- المهم جيت انا بعد طلاق زوجي وتعاملت معها زين وقلت انا ماراح تتبلى علي بحكم اني اقرب لها وتعز جدتي بالمره وابوي وانا اعاملها باحترام واقول لزوجي دايماً قدامها بين اني ولا شيء عندك عشان ماتغار او تخاف اني اخذك منها ولكن انعاد نفس الموال ونفس المشاكل ظلم ودعاوي وفضايح
راحت الله يستر عليها من شهر تقريباً طبعاً هي تتنقل مره عند اختها مره ببيتها ومره عند اختها الثانيه وترجع لنا من فتره لفتره
زبدة الموضوع 😂💔 اني ودي اقول لزوجي يجيبها عنده بالبيت اذا رحت لاهلي فترة الاربعين
ويخليها تنبسط وتستانس بدون ماتشوف وجهي وهي ماتتحمل تجلس كثير يعني ودي اطلع الاربعين وآخذ فترة نقاهه عالاقل شهر بدون مشاكلها وبدون ماخاف بانها باي لحظه تجي لاني والله انقل هم جيتها مره 💔 الله يهديها
ف ودي اقول لزوجي شرايك تجيب امك بالبيت وتجيب عيالك عندها عشان اذا طلعت الاربعين تكون خلاص شبعت منهم << وبنفس الوقت خايفه انه يفكر خطاء او اجرحه بأني ماني مستحملتها خصوصاً اني ماجيب طاريها بالمره لابخير ولا بشر
شوركم
ودعواتكم بتيسير ولادتي 💕💕