شيلي الفكرة من راسك انتي اليبتخسرين والشيطان شاطر حاولي تنجحي فحياتك وانتبهي لعيالك وتطمني ربك بياخذ حقك ونجاحك هو اكبر انتقام واحمدي ربك خلصتي منه عالة على زوجته ربي كريم بيزقك الرجال الحقيقي

استغفر الله العلي العظيم،،
قومي صلي ركعتين واستغفري
الله مو ظلام لعبيده وربي يمهل ولا يهمل عليك بالصبر والاحتساب لله لايوسوس لك الشيطان كل ماطرت على بالك فكرة الانتقام قولي يااااااااااارب اني ماستعين بحيلي وقوتي استعين بك يارب عليهم يارب اني مغلوب فانتصر،،
وطنشيه ولادورين اخباره ولي يجيب لك اخباره سكتيه وقولي مابي اسمع عنه شيء والله بإذن الله ربي غير ياخذ حقك،،
وصدقيني ما اصابك شيء الا لحكمة عند رب العالمين الحمد لله ان عيالك معك غيرك تروح عند اهلها وياخذون عيالها منها الحمد لله ان عندك اهل عندك صديقات احمدي الله واشكريه على كل حال،،
والحمد لله انك توجهتي لله هذي اكبر نعمه الالتجاء لله وانتظري الفرج من الله سبحانه
الله ينصرك لاتشككين بعدالة الله العدل

الله يعينك

ماقصرتوا الله يفرجها عليكم بس انا اذا بتزوج مو عشان اقهره انا ابي زوج يسندني ويشيلني ويساعدني والله لو اني غنيه ومليونيره جان مافكرت بالزواج لو تزوج اهو عشر
بس انا باجار ولا اقدر اعيش عند اهلي كله مشاكل
وتعبت من القضايا ابي ارتاح ابي زوج يحميني ويسندني اسافر واروح واعوض ايام الشقا
ماقصرتوا بس جد تعبت وااااايد احس بالياس

قمت اشكك بعداله ربي
قوية الكلمة اتقي الله واستغفرية
وزي ما قالوا لك البنات انسيه وتوجهي لله بقلب خالص ولا تفكرين بالانتقام وش تستفيدين
بتقولين اطفي النار اللي بقلبي طيب وش نظرة عيالك لك فكري فيها شوي
بنت خالتي تزوجت مرتين وكل مرة جابت ولد تخيلي والاثنين طلقوها
وبالدعاء والصبر ربي رزقها امام مسجد ما شاء الله لا قوة الا بالله
تخيلي حكمة الله الزوج هذا صار عليه حادث وسبب له عقم
ما يأسات سوت طفل الانابيب يمكن اكثر من ثلاث مرات وربي رزقها
والله ما عمري شفتها تشتكي بالعكس اللي يشوفها يقول ما همها شي
بس حاسه بالله في قلبها
اصبري وانا اختك وربي يعطية لما يرضيه بعدين ياخذه اخذ عزيز مقتدر
لا تنسين قوله ( والله لانصرنك ولو بعد حين )
اصبري وماراح انساك من الدعاء
لا تقولين انتوا ما ذقتوا ذقنا الي اقوى من كذا
بس الشكوى لغير الله مذله
اسفة على الاطالة بس لا تزعلين