ودي انحاش!!

اي ودي انحاش والسبب ام زوجي ياناس غثتني تدق علي مليون مره واذا مارديت تدق ع ولدها يجي هو يقول امي تدق عليك دقي عليها اقوله طيب بس اخلص الي بيدي مايمدي مرت عشر دقايق الى عي تدق علي طيب استني لمن اخلص بدق عليك وع طول تدق ع ولدها تقول ابجيكم قلت اوك وجت قامت قالتلي ورا ماتردين عسانا مانسوي زيك قلت خلاص ولدك قالي وتقولي انا جيت عشان فلانه تقصد بنتي عمرها خمس شهرر ياناس تمسكها وتلعبها بعنف ولاتمسك رقبتها زين قلبي يتقطع ع بنتي اخاف عليها احسها تستقصد تسوي كذا لاني دايم اقولها امسكي رقبتها زين وتعاند وربي اليوم ماجاني نوم بس افكر لاني قريت بالنت ان هز الرضع خطر اذا ماثبتي راسهم وذي تهزها انا ماقول شي تمسكها وتلعبها بس مو بطريقه ذي والله كرهتني اني اجيب عيال مره ثانيه من تصرفها هي وبنتها بنتها نسخ منها ويقهرون يقطون كلام يقهر ويعاملوني انا ووسلفتي زي الخدم كل شوي راقين علينا وبنجي نتغدى وبنجي نتقهوى وبنجي نتعشى طفشونا ولا ليتها يوم جت اليوم خلاص قالت بجيك بكره ياختي ذي وش تبي ولا بس تبينا بالبيت24 ساعه وهي تجي وتروح وياويلنا لو رحنا مكان وماخذنا بناتها تدق ع ولدها تهاوشه وهم يروحون ويجون للعروس والحفلات والعزايم ولاقد قالوا روحوا معنا ويجونها حريم ولاتنادينا وانا مره زارتني وحده اعرفها يومني توني متزوجه ودقيت عليها اعزمها والله ويتغير صوتها وتجيني تركض ووجهها متغير كل هذا عشان ماتبيني اختلط باحد وقالتلي لاجيتي بتروحيلها قوليلي ولا لاتروحين ؟؟؟ عجيب واصلا مارحت لها لانها علمت ولدها مايوديني وفعلا كل ماقوله ودني يرفض لين طفشت وقسم بالله لاااختلط باحد ولاشوف احد منها ولو عزمت صديقتي تجي تطب عندي وتخرب علي لين ماصارت صديقتي تجيني بتقولون كيف عرفت انها جتني هم فاتحين باب على السيب حقنا بحيث ان كل ماطلعنا او جانا احد تشوف قاعده كنها برج مراقبه وهي وبناتها ملكات وحنا الخدم رافعه ضغطي تقهرني بتصرفاته محددتلها يومين بالاسبوع تجي تبلط عندي وباقي ايام الاسبوع تمر علي فيها بحجه انها تبي البنت وهي بس تجي تقهرني ببنتي تهزها وتجلسها وتخيلوا تفكها بنت عمرها خمس شهور تجلسها وتفكها بغت تطيح البنت المشكله لمن تدق تبي تجي حتى لو اصرفها تصر تجي حتى لو اني تعبانه تقول بجي حتى لو الموت فيني تبي تجي طفشششتني بحياتي وربي صرت لااضحك ولاشي من غثاها ومن الضغط علي وغير كذا ماختلط باحد تعبت نفسي بس ماشوف الى وجهها هي وبناتها وكل ماشافتنا مقبلين بنروح تسال وين وين اففف بتقولون وين زوجك زوجي كل ماقالتله امه شي قال طيب وكل ماسالت وين علمها ولامرينا بنطلع هم يكونون بالحوش يغصبني ادخل عليهم يسلم يخاف تهاوشه ليه حرمتك تمر وحنا قاعدين ولاتسلم ياناس انا لمن تزوجت قلت بيت منفصل يعني محد يدري طلعت ولارحت ولااحد جاني وين الاستقلاليه بوضعي وهم فاتحين باب علينا كل تحركاتنا عندهم وماحد مستفيد من هالباب الا هم عشان يرقون وينزلون ولا ماتبينا نجيهم يبون هم يجون واصلا انا مالي نفس اجيهم صارلي اشهر ماجيتهم بس امر مرور الكرام واسلم وانا واقفه وغصب عني والله اني تعبت نفسيا وكل شي ابيها تفكني من جياتها كل شوي ولاابيها تهز بنتي بقوه وتحلسها بدون ماتمسكها لو صار لبنتي شي انا الي باكلها ودي اروح لاهلي وانفصل عنه بسبه امه واذا بتقولون اطلعوا مستحيل هو يقول عندي ديون وامه مستحيل تخليه يطلع واصلا هي متحكمه بعيالها وزوجهاا زوجها مايرفضلها طلب حسبي الله عليها ابي حلول