انا ولدت قيصري عشان ولدي التف عليه الحبل السري والحين حامل وما اتمنى القيصري ابد بصراحة الالم موت شهر كامل باليالله تقدرين تقومين من السرير انا ان شاء الله ناوية اخذ ابرة الظهر والله يسهل علي وعلى كل حامل ان شاء الله

الله يعطيكم العافيه وتقومون بالسلامه والله يكتب لنا الاجر

خواتي انا ولدت قيصري عشان التف الحبل السري وقت الولاده على بنتي
وما اتمنى اولد مره ثانيه قيصري يكفي الالم ويكفي لين يشفى الجرح والخوف من الحركه ماتعيشي حياتك

انصح بالطبيعي شفاء سريع والحمدلله طبعا ماجربت وهذا حملي الثاني واتمني طبيعي طبعا عشان الم الولاده مافي بعد ابره الظهر انا جربتها بحملي الاول بس وضع الحبل السري خرب كل شي والله كتب قيصري سبحانه

مافي احلى من ابره الظهر هدي رحمه لنا الحمدلله

انا جربت قيصري وطبيعي
والطبيعي اسهل واريح بكثيييير من القيصري اللي ماوراه الا الاوجاع اليومية وماتقدرين تروحين لدورة المياه بنفسك لازم مساعدة من احد ولازم تمشين من ثاني يوم وجرح يدمي ويلتهب ويحر ولازم ماتشيلين شي وحااااااااااله

والطبيعي تتوجعين كم ساعه وربي يفرج لك باذن الله وتخلصين وبعدها تنسين التعب وتقدرين تروحين للحمام بنفسك وكل شي تقدرين تسوينه يالله من فضضضضضضله

احيانا الحالات تستدعي قيصري اذا تعسرت الولادة مثلا وحدثت مشكلة ممكن تسبب خطر على الام والطفل هنا نتوكل على الله ونقول يالله قيصري لكن تبين قيصري عشان الالم والطلق هذا مو معقوووول ابدا ههههههه

انتي انسي شي اسمه ولادة ولاتفكرين فيها ورددي دائما ( هونيها وتهون ) طووول اشهر الحمل وتغلبي على الخوف واذكري الله دائما حتى وقت الولادة سبحان الله ربي يكون معك لااله الا الله ادعيه بكل خشوع انه يسهل ولادتك طوووول وقت الطلق تقربي له وناجيه لاتنادين امك والا زوجك ولا تصارخين وشوفي النتيجة سبحان الله العظيم لان الصراخ اصلا يزيد الالم تحلي بالصببببر واذا جت الطلقة عضي على طرحتك والا يدك وامسكي لسانك عن الصراخ واطلبي يد العون من رب العالمين وتشوفين كيف ربي رحيم تنزل رحمته عليك ويسهل ولادتك باذن الله

راي من راي العضوة عزة مصطفى