ودي بحمل جديد وظروفي ماتسمح ..<< مشكلة عضوة بالمنتدى

السلام عليكم ورحمة الله وبركاته




هذي مشكلة عضوة معنا بالمنتدى وحابه تطرحها بدون يوزر تقول :




زوجي مريض قلب وبحاجة لعملية قلب مفتوح وعنده اكتئاب شديد بسبب الديون الكثيرة وعنده من الابناء عشره اثنين مني والباقي من زوجته الأولى
يوم حملت حملي الاول تضايق مرره اني حملت وبحملي الثاني يوم درى قالي الله يكفيني شرك وبنفس الوقت يقولي لو تبي تحملي ماعندي أي مانع للحمل..! ويدعي محبتي والخ.
الان عندي ولد وبنت اربيهم لحالي لانه مايجي البيت الا متأخر مره على وحده في الليل ويجي تعبان وينام ومايجلس مع أطفاله الا قليل .. وأنا أنظف أرتب أطبخ أربي أدرسهم كل شي علي .. (أطفالي متأخرين في النطق مره).
ومع هذه الظروف ودي بحمل جديد أحن للصغار وأصارع رغبتي هذه أبي أحمل لكن أقول لنفسي لا البيئة غير مناسبة ولا الظروف ..
أبي رأيكم في ظروفي أحد مر مثلي وقرر الحمل وكان قرار صائب؟ أو كان قرار خاطئ شوروا علي



ياليت تنزلي استفساري ، قدرتي على التربية جديدة قاعده أحاول أعطي قد ما أقدر أصيب واخطيء عمري 36 واخاف يروح علي العمر